Кафедраи тибби оилавӣ
Таърихи азнавсозӣ: 05.11.2026
|
|
Мағзумова Фирӯза ПӯлодовнаМудири кафедраНомзади илмҳои тибТелефон:+992 933153473E-mail:fmagumova@mail.ru |
ТАЪРИХИ КАФЕДРА
КАФЕДРАИ ТИББИ ОИЛАВӢ тибқи қарори Вазорати маориф ва илми Ҷумҳурии Тоҷикистон 30 марти соли 2017, №3/13 бо фармоиши ректори МТҒ Донишкадаи тиббӣ-иҷтимои Тоҷикистон кафедраи тибби оилавӣ аз 26 январи соли 2022 таъсис дода шуд.
Кафедраи тибби оилавӣ сохтори асосии таълимию илмии донишкада ба шумор рафта, фаъолияти худро дар самти корҳои таълимию методӣ, илмию тадқиқотӣ, иҷтимоию тарбиявӣ ва робитаҳои байналмилалӣ ба роҳ мондааст. Корҳои таълимию методӣ ва илмию тадқиқотии кафедра ба самти асосии фаъолият ва нақшаҳои таълимии ихтисоси кори табобатӣ, стоматология ва псхологияи тиббӣ, ки омӯзонидани он аз ҷониби деканати факултетҳо муқаррар карда шудааст, мутобиқат менамояд.
Кафедра дар бинои Муассисаи давлатии “Пажӯҳишгоҳи экспертизаи тиббию иҷтимоӣ ва тавонбахшии маъюбон”, воқеъ дар ш.Душанбе, кучаи Ҳувайдуллоев 274 а, ошёнаи сеюм қарор дорад, ки дар он 5 ҳуҷра, инчунин дар Муассисаи давлатии “Беморхонаи сироятии кӯдакона” як ҳуҷра, дар Маркази саломатии шаҳрии №1 ва 12 як ҳуҷрагӣ, дар бинои Муассисаи давлатии шуъбаи Хадамоти давлатии экспертизаи тиббию иҷтимоии ш.Душанбе як ҳуҷра, дар маҷмӯъ 9 ҳуҷраи таълимӣ ҷудо карда шудааст.
Дарсҳои амалӣ вобаста аз мавзуъҳо дар шуъбаи табобатии пажӯҳишгоҳ ва маркази саломатии шаҳрии №12 ва дигар заминаҳои кафедра гузаронида мешаванд.
Айни ҳол дар ҳайати кафедра 8 нафар омӯзгорон: 2 нафар номзади илмҳои тиб, 4 нафар дорои дараҷаи олӣ ва 2 нафар омӯзгорони ҷавон фаъолият менамоянд. Мудирии кафедраро Мағзумова Фирӯза Пӯлодовна, н.и.т., роҳбарӣ менамояд.
САМТҲОИ АСОСИИ ФАЪОЛИЯТИ КАФЕДРАИ ТИББИ ОИЛАВӢ
- Баланд бардоштани сатҳу сифати дониш ва малакаҳои амалии донишҷӯён дар соҳаи фанҳои тибби оилавӣ, эндокринология, варзиши муолиҷавӣ, ташхис ва муолиҷаи шуоӣ, ташаккули шахсият ва ҷаҳонбинии онҳо;
- Беҳтар намудани самаранокии таълимии фанҳои тахассусии тибби оилавӣ, фаро гирифтани машғулиятҳо бо истифодабарӣ аз услубҳо ва технологияи муосири таълим;
- Ташкил ва гузаронидани чорабиниҳои илмӣ-методӣ, семинарҳои илмӣ-амалӣ, машғулиятҳои кушоду намунавӣ, конфронсу семинарҳо, ҳафтаҳои фаннӣ ва ғ.);
- Давом додан ва ба анҷом расонидани корҳои илмӣ-тадқиқотӣ аз ҷониби омӯзгорон ва унвонҷӯёни кафедра;
- Ғанӣ гардонии раванди таълим бо натиҷҳои тадқиқотҳои илмии навтарин;
- Омодасозии дастурҳои методӣ ва адабиётҳои таълимӣ;
- Баланд бардоштани сатҳи корҳои тарбиявию ахлоқӣ, идеологию сиёсӣ ва маърифатнокии донишҷӯён;
- Корҳои табобатӣ;
- Такмили ихтисос ва бозомузии касбии омӯзгорон;
- Ҳамкориҳои илмӣ-тадқиқотӣ бо дигар муассисаҳои давлатии олии тиббӣ ва пажӯҳишгоҳҳои илмию тадқиқотӣ;
ФАЪОЛИЯТИ ТАЪЛИМӢ
Кафедраи тибби оилавӣ тибқи нақшаи таълимӣ вобаста ба фанҳои тибби оилавӣ, эндокринология, варзиши муолиҷавӣ, физиотерапия, тибби шарқ барои донишҷӯёни курсҳои 3, 4, 5 ва 6-уми ихтисосҳои кори табобатӣ, стоматология ва психология тиббӣ фаъолияти таълимиро ба роҳ мондааст.
Таълим бо истифодаи низоми кредитӣ тибқи барномаю нақшҳои таълимӣ, ки аз тарафи Вазорати маорифи Ҷумҳурии Тоҷикистон тасдиқ шудаааст, сурат мегирад. Ҷараёни таълим дар шаклҳои зайл гузаронда мешавад: а) дарсҳои аудиторӣ (лексияҳо), дарсҳои амалӣ (семинарҳо); корҳои лабораторӣ; б) дарсҳои берун аз синфӣ машваратҳо (консултатсияҳо)-и фардӣ, кори мустақилона бо роҳбарии омӯзгор; в) назорати сатҳи донишандӯзии донишҷӯён: тафтиши иҷрои корҳои санҷишӣ; гузаронидани аттестатсияҳои фосилавӣ; гузаронидани санҷишҳои тестӣ (дар шакли хаттӣ ё компютерӣ) аз бобҳои алоҳидаи фанҳои омӯхташаванда; г) аттестатсияи ҷорӣ-имтиҳони тестии ҷамъбастӣ аз фанҳои алоҳида; д) аттестатсияи ниҳоии давлатӣ; имтиҳонҳои давлатӣ аз фанҳои тахассусӣ.
Аз руи 5 номгуйи фанҳои таълимӣ 20 силлабусҳо омода гардидаанд ва тибқи он корбарӣ менамоянд.
Барои баланд бардоштани сатҳу сифати таълим ва малакаҳои амалии донишҷӯён, беҳтар намудани самаранокии таълими фанҳои тахассусии тибби оилавӣ, эндокринология, варзиши муолиҷавӣ, физиотерапия, тибби шарқ, ташхиси шуоӣ ва муолиҷаи шуоӣ 4 синфхонаҳои кафедра ба таври муосир ҷиҳозонида шудааст, ки инҳо:
- синфхонаи омӯзиши малакаҳои амалӣ аз фанни тибби оилавӣ;
- синфхонаи омӯзиши малакаҳои амалӣ аз фанни эндокринология;
- синфхонаи омӯзиши малакаҳои амалӣ аз фанни варзиши муолиҷавӣ. физиотерапия;
- синфхонаи омӯзиши малакаҳои амалӣ аз фанни ташхиси шуоӣ ва муолиҷаи шуоӣ.
Айни ҳол синфхонаҳои омӯзишӣ бо тамоми таҷҳизотҳои зарурии фанҳои тахассусӣ ҷиҳозонида шудааст. Барои малакаҳои амалӣ гузаштан бевосита бо беморони гуногуни сатҳи амбулаторӣ, ки вобаста карда шудааст, гузаронида мешаванд. Ҳамзамон бояд қайд намуд, ки дар кафедраи тибби оилавӣ аз таърихи рушди тибби оилавӣ, ёрии аввалияи тиббию санитарӣ, хусусиятҳои тибби оилавӣ, пешгирии бемориҳо, корҳои санитариву маърифатӣ, тарғиби тарзи ҳаёти солим, баланд бардоштани маълумотнокӣ ва маърифатнокии аҳолӣ оид ба тиб, назорати диспансерӣ, ҳуҷҷатнигории тиббӣ дар муассисаҳо кӯмаки аввалияи тиббию санитарӣ, ташхис ва ташхисҳои симптому синдромҳое, ки дар кори табиби оилавӣ бештар вомехӯранд, инчунин бемориҳои шадиду музмине, ки дар фаъолияти ҳаррӯзаи табиби оилавӣ дучор мегарданд, бархурдор мешаванд.
Ҳамаи синфхонаҳои таълимӣ бо мизу курсиҳо таъмин буда, бо овезаҳои мавзӯӣ ва гӯшаҳои дарсӣ ороиш дода шудааст.
Ҳамзамон барои гузаронидани дарсҳои амалӣ кафедра бо ҷувздон барои табиби оилавӣ таъмин карда шудааст, ки дар он усулҳои тахшиси гӯшу гулӯ ва бинӣ, ташхиси дил, шуш, роҳи нафас, ҳарорати бадан, ташхиси узвҳо занона ва ғайра истифода бурда мешавад.
Бояд қайд намуд, ки дар ҳамаи заминаҳои таълимии мо дар чунин самтҳо корҳои амалӣ бурда мешаванд: ҳуҷҷатгузорӣ дар фаъолияти табиби оилавӣ, корҳои профилактикӣ, фаҳмондадиҳӣ оид ба пешгирии бемориҳои сироятӣ, ғайрисироятӣ ва маъюбӣ, кор бо беморон вобаста аз мавзӯи таълимӣ. Инчунин, бо таърихи беморон ва картаҳои амбулатории онҳо корбарӣ карда мешаванд: навиштани таърихи бемориҳо, пур карадани картаҳои амбулаторӣ, риоя намудани нақшаи иммунизатсия, корбари бо занҳои ҳомила, кӯдакони навзод ва ғайра.
КИТОБ, ДАСТУРҲОИ ТАЪЛИМИЮ МЕТОДИИ АЗ ҶОНИБИ КОРМАНДОНИ КАФЕДРА ТАҲИЯКАРДА:
- Мағзумова Ф.П., Аюбова Д.Х. Махсусиятҳои тиббӣ-иҷтимоии тавонбахшии беморон ва маъюбони пиронсол. Дастури методӣ (68 саҳ.).
- Магзумова Ф.П. Руководства по использованию международной классификации функционирования, ограничений жизнедеятельности и здоровья (МКФ). (Дастури методӣ (80 саҳ.).
- Мағзумова Ф.П., Холматов У.И., Маҳмудова Р.И., Аюбова Д.Х., Воситзода З.Ф. Усули муосири таълими мутахассисони тибби оилавӣ. Дастури методӣ-таълимӣ (44 саҳ.).
- Лечения больных с сердечно-сосудистыми заболеваниями в санаторно-курортных организациях, 2024с;
- Санаторный этап реабилитации – возвращение к жизни и работе, 2024с;
- Медико-социальная экспертиза и реабилтация инвалидов с сердечно-сосудистыми заболеваниями с учетом МКФ, 2024с;
- Маркетинг в здравоохранении и экономческий анализ деятельности лечебно-профлактческих учрежденях, 2024с.;
- Силабусҳои дарсӣ: оид ба фанҳои тибби оилавӣ, варзиши муолиҷавӣ, физиотерапия, ташхиси шуоӣ ва муолиҷаи шуоӣ ва эндокрнология барои донишҷӯёни курси 3, 4, 5, 6-и факулетҳои Кори табобатӣ, Стоматология ва Психологияи тиббӣ омода карда шуданд.
- 30 адад банерҳои мавзуии дарсӣ омода карда шуда дар ҳуҷраҳои дарсӣ истифода бурда мешаванд.
БАЗАҲОИ КЛИНИКИИ КАФЕДРА
Масоҳати умумии кафедра дар якҷоягӣ бо базаҳои клиникӣ зиёда аз 1200 метри мураббаъро ташкил медиҳад, ки ба ҳар як донишҷӯ тақрибан аз 8 то 10 метри мураббаъ масоҳат рост меояд.

Суроғаи кафедра 1: ш. Душанбе, кӯчаи Ҳувайдуллоев, 270А, ошёнаи сеюм.
Муассисаи давлатии «Пажӯҳишгоҳи экспертизаи тибби иҷтимоӣ ва тавонбахшии маъюбон» (3 синфхонаи таълимӣ ва 2 толори лексионӣ).

Суроғаи 2: ш. Душанбе, хиёбони Неъмат Қарабоев, 60.
Муассисаи давлатии Маҷмааи тандурустии «Истиқлол» (1 синфхона).

Суроғаи 3: ш. Душанбе, кӯчаи Фирдавсӣ, 13/2.
Муассисаи давлатии «Маркази саломатии шаҳрии №1-и ш. Душанбе» (1 синфхона).
Суроғаи 4: ш. Душанбе, хиёбони Борбад, 71.
Муассисаи давлатии «Хадамоти давлатии экспертизаи тиббию иҷтимоӣ» (1 синфхона).
Суроғаи 5: ш. Душанбе, хиёбони Борбад.
Муассисаи давлатии «Маркази саломатии шаҳрии №12-и ш. Душанбе» (1 синфхона).
ФАЪОЛИЯТИ ИЛМӢ ТАДҚИҚОТӢ
Кафедра дар асоси нақшаи корҳои илмӣ-тадқиқотӣ, дар самти рушди иқтидорҳои илмӣ, фаъолгардонӣ ва баланд бардоштани тахассуснокӣ, ҷалб кардани омӯзгорони ҷавони болаёқатманд, рушди корҳои таълимӣ-тадқиқотӣ бо ворид намудани услубҳои инноватсионии ташкили раванди таълим, ғанӣ гардонии раванди таълим бо натиҷаҳои тадқиқотҳои илмии навтарин корбарӣ карда истодааст.
Ҳамзамон кафедраи тибби оилавӣ ҳамкориҳои илмиро бо МДТ “Донишгоҳи давлатии тиббии Тоҷикистон ба номи Абуалӣ ибни Сино”, МД Маркази ҷумҳуриявии таълимию клиникии тибби оилавӣ ва МД “Пажӯҳишгоҳи экспертизаи тиббию иҷтимоӣ ва тавонбахшии маъюбон” ба роҳ мондааст.
Маҳфили илмӣ: Бо фармоиши Ректори муассисаи таълимии ғайридавлатии “Донишкадаи тиббӣ-иҷтимоии Тоҷикистон” аз санаи 31 апрели соли 2025, №04-2012, Маҳфилҳои илмии фаннӣ дар мавзӯи “ Саҳми табибони оилавӣ дар солимии аҳолӣ” ба тавсиб расида, нақшаи кории он барои соли таҳсили 2025-2026 тасдиқ гардид, ки он мавзӯҳои зеринро дар бар гирифтааст:
- Табиби оилавӣ, вазифа, принсипҳои корӣ;
- Бемории роҳи нафас дар фаъолияти табиби оилавӣ;
- Бемории дилу рагҳо дар фаъолияти табиби оилавӣ;
- Бемории системаи асаб дар фаъолияти табиби оилавӣ.
Бояд қайд намуд, ки ҳамаи маҳфилҳо тибқи нақша гузаронида шуданд.
Ҳамзамон, бояд қайд намуд, ки дар солҳои 2025-2026 навгониҳо дар Барномаҳои таълимӣ аз фанҳои тибби оилавӣ, эндокринология, физиотерапия, тибби шарқ ва ташхиси шуоӣ, муолиҷаи шуоӣ ворид карда шуданд.
Умедворем, ки кафедраи мазкур дар оянда барои рушди соҳа, алалхусус тибби оилавӣ ва рушди Донишкада саҳмгузор хоҳад шуд.
Кафедраи тибби оилавӣ дар соли таҳсили 2025-2026 дар конференсияҳои илмӣ-амалии зерин бо чопи фишурдаҳо иштирок намуд:
- Конференцияи илмӣ-амалии МТД “Донишгоҳи давлатии тиббии Тоҷикистон ба номи Абуалӣ ибни Сино” дар мавзӯи “Илмҳои тиббии бунёдӣ: ҳамгироии донишҳо баҳри ҳифз ва таҳкими солимии инсон ва ҷомеа”. Душанбе, 13 феврали соли 2026.
- Конференсияи байналмилалии илмӣ-амалии донишҷӯён ва олимони ҷавони Донишгоҳҳои тиббӣ дар мавзӯи “Научное обоснование применение модифицированной “Бальнеотерапии” в реабилитации детей с церебральным параличом”. ш.Андиҷон Ҷумҳурии Узбекистон.
- Конференсияи илмӣ-амалии апрелии олимони ҷавону донишҷӯёни МТҒ “Донишкадаи тиббию иҷтимоии Тоҷикистон”: 1) Нақши табиби оилавӣ дар пешгирии бемориҳои сироятии идорашаванда байни кӯдакон; 2) Нақши эмгузаронӣ дар пешгирии бемориҳои сироятӣ байни кӯдакон дар Тоҷикистон; 3) Арзёбии самаранокии тавонбахшии кӯдакони гирифтори фалаҷи кӯдаконаи майнаи сар; 4) Асосноккунии илмии истифодаи “Балнеотерапия”-и модификатсияшуда дар тавонбахшии кӯдакони гирифтори фалаҷи кӯдаконаи майнаи сар; 5) Асосноккунии илмии чорабиниҳо оид ба такмили тавонбахшии тиббӣ-иҷтимоии кӯдакони маъюб дар амалияи табиби оилавии шаҳри Душанбе. Душанбе, 2026.
- Конференсияи байналмилалии илмӣ-амалии олимони ҷавону донишҷӯёни МТҒ “Донишкадаи тиббию иҷтимоии Тоҷикистон”:
Аз ҷониби кормандони кафедра: Магзумова Ф.П., Аюбова Д.Х., Худойназарзода У.Ш., Муродов М., Одинаева Н.В., Кузиева Л.С., Холматов У.И., Маҳмудова Р.И., Шеров Ф, Олимова М.М., Қобилова М.А., Мирзоев И., Аллоева С.А., дар соли таҳсили 2025-2026 мақолаю фишурдаҳои илмӣ таҳия ва ба чоп расидааст.
ҲАМКОРИИ КАФЕДРА БО МУАССИСАҲОИ ДОХИЛ ВА ХОРИҶИ КИШВАР ДАР САМТИ ИЛМ ВА ИННОВАТСИЯ
Кафедра бо чунин муассисаҳо ҳамкориро ба роҳ мондааст:
- Маркази ҷумҳуриявии таълимию клиникии тибби оилавӣ;
- Кафедраи тибби оилавии №1 ва 2-и МДТ “Донишгоҳи давлатии тиббии Тоҷикистон ба номи Абуалӣ ибни Сино”;
- Кафедраи тибби оилавии МД “Донишкадаи такмили ихтисоси кормандони тандурустии Тоҷикистон”;
- Муассисаҳои КАТС-и ш.Душанбе;
- Кафедраи педиатрия ва кори иҷтимоии МТҒ “Донишкадаи тиббию иҷтимоии Тоҷикистон”.
Тамос:
Кафедраи «Тибби оилавӣ»-и, МТҒ “Донишкадаи тиббӣ-иҷтимоии Тоҷикистон”, ш.Душанбе, к.Ҳувайдуллоев 274а
Тел.: +992 933153473; +992800144791 ватсап
Элект.почта: fmagzumova@mail.ru
ФАЪОЛИЯТИ ТАРБИЯВӢ
Кафедраи тибби оилавӣ барои дар амал татбиқ намудани талаботҳои «Консепсияи миллии тарбия дар Ҷумҳурии Тоҷикистон» тамоми имкониятҳои мавҷуда, аз ҷумла нерӯи зеҳнию эҷодии донишҷӯён ва омӯзгоронро сафарбар менамояд.
Аҳли кормандони кафедра оид ба иқдом ва ташаббусҳое, ки аз ҷониби Асосгузори сулҳу ваҳдати миллӣ - Пешвои миллат Президенти Ҷумҳурии Тоҷикистон муҳтарам Эмомалӣ Раҳмон, Ҳукумати Ҷумҳурии Тоҷикистон, вазоратҳои марбута ва Раёсати донишкада арзёбӣ мегарданд, ки нақша – чорабиниҳо таҳия намуда, мутобиқи он дар байни омӯзгорон ва донишҷӯён корҳои тарбиявиро ба роҳ мондааст.
Ҷиҳати дар амал татбиқ намудани Консепсияи миллии тарбия дар Ҷумҳурии Тоҷикистон чораҳои зарурӣ андешида, дар дарсҳои тарбиявии гурӯҳҳои академӣ омӯзиши пайвастаи онро ба роҳ монда, иҷрои тартиботи дохилӣ ва қоидаҳои донишҷӯён ва иҷрои онро зери назорат қарор медиҳад.
Дар кафедра риояи «Дастурамали тавсиявии донишҷӯёни муассисаҳои таҳсилоти олии касбӣ» таҳти назорат қарор дода шуда, баҳри инкишофи худшиносии миллӣ, шаъну шарафи шаҳрвандӣ ва ифтихори ватандории донишҷӯён чораҳои зарурӣ меандешад.
Корҳои тарбиявӣ дар мавзуҳои: иҷрои муқаррароти қонунҳои Ҷумҳурии Тоҷикистон: «Дар бораи масъулияти падару модар дар таълиму тарбияи фарзандон», «Дар бораи танзими анъана ва ҷашну маросим дар Ҷумҳурии Тоҷикистон» гузаронида мешаванд. Ҳамзамон дар гурӯҳҳои дарсӣ омӯзгорон бо донишҷӯён оид ба тарғибу ташвиқи муборизаи беамон ба муқобили терроризм ва экстремизм, ифротгароӣ ва дигар зуҳуроти номатлуб, пешгирӣ намудани шомилшавии ҷавонон ба гурӯҳҳои ифротгароӣ корҳои ташвиқотӣ суҳбат гузаронида мешаванд.
Баҳри баланд бардоштани сатҳи муоширати байни омӯзгорону донишҷӯён, муошират бо беморон дар раванди машғулиятҳои амалӣ, риояи ҳатмии муқаррароти Кодекси ахлоқи тиббӣ, пурзур намудани тарбияи пайвастаи маънавӣ ва ҳуқуқӣ дар байни донишҷӯён суҳбатҳо гузаронида мешаванд. Кафедра дар иштироки донишҷӯён дар чорабиниҳо, озмунҳо, ҳамоишҳои гузаронидани тарғиби тарзи ҳаёти солим дар сатҳи ноҳиявӣ, шаҳрӣ, ҷумҳуриявӣ ва байналмилалӣ саҳмгузор аст.
Кафедраи “Тибби оилавӣ” дар гузаронидани конференсияҳои омӯзгорону донишҷӯён, ки ҳамасола дар Муассиса баргузор мегардад, ки дастовардҳои устодону донишҷӯён мавриди баррасӣ ва баҳрабардорӣ қарор гирифта мешаванд, дар воситаҳои ахбори омма, сомона ва нашрияҳои даврии донишкада саҳмгузор хоҳанд шуд.
КОРИ ТАБОБАТИЮ МАШВАРАТӢ
Аз ҷониби мутахассисони кафедра (Мағзумова Ф.П., Холматов У.И, Маҳмудова Р.И., Воситзода З.Ф., Салимов А.) машваратҳо ба беморон гузаронида мешаванд.

Мутахассисони кафедра (Мағзумова Ф.П., Маҳмудова Р.И., Аюбова Д.Х., Воситзода З.Ф.) ба беморон машваратҳо медиҳанд.
КОРМАНДОНИ КАФЕДРАИ ТИББИ ОИЛАВӢ
Мағзумова Фирӯза Пулодовна
Вазифа: мудири кафедра
унвони илми: номзади илми тиб
Ихтисос:«Аълочии тандурустии Ҷумҳурии Тоҷикистон» (2005), «Аълочии соҳаи ҳифзи иҷтимоии аҳолӣ» (2018).
тел: (+992) 93 315 34 73;
Email: fmagzumova@mail.ru
Холматов Усмонҷон Исҳоқович
Вазифа: омӯзгори кафедра
Унвони илмӣ: номзади илмҳои тиб
Ҷарроҳ/саратоншинос, Аълочии тандурустии Ҷумҳурии Тоҷикистон, Аълочии ҳифзи иҷтимоии аҳолӣ
Тел: (+992) 013355757
Email: kholmatov_usmon@mail.ru
Мирзоев Исфандиёр
Вазифа: омӯзгори кафедра
Ихтисос: табиби асабшинос
Тел: (+992) 980888831
Email: badboy_08_93@mail.ru
Холматов Ёкубҷон Худойқулович
Вазифа: ассистенти кафедра
Ихтисос: табиби гӯшу гулӯ ва бинӣ
Телефон: (+992) 919479777
Email: kholmatovyoqub@gmail.com
Воситзода Зарина Файзидиновна
Вазифа: омӯзгори кафедра
Ихтисос: духтури оилавӣ. Аълочии тандурустии Ҷумҳурии Тоҷикистон
Тел: (+992) 918953690
Email: vositzoda.z.f@gmail.com
Маҳмудова Рухсора Илёсовна
Вазифа: омӯзгори кафедра
Ихтисос: духтури бемориҳои даруна, мутахассиси ултрасадои функсионалӣ
Аълочии тандурустии Ҷумҳурии Тоҷикистон, Аълочии соҳаи ҳифзи иҷтимоии аҳолӣ
Телефон: (+992) 918953690
E-mail: dr_ruhsora@mail.ru
Шеров Фазлиддин
Вазифа: омӯзгори кафедра
Ихтисос: реабилитолог/физиотерапевт
Телефон: (+992) 006555101
Email: sherov7171@gmail.com
Салимов Алишшо Маҳмадраҷабович
Вазифа: омӯзгори кафедра
Ихтисос: табиби оилавӣ, уролог
Телефон: (+992) 935264334
Email: tirapivt@gmail.com
Ҷанобилов Шохзод Беҳзодович
Вазифа: омӯзгори кафедра
Ихтисос: табиби оилавӣ, онколог
Телефон: (+992) 004779810
Email: janobilov@icloud.com
Руйхати ҳуҷҷатҳо
Низомномаи маҳфили илмии фаннӣ
Дастурамали вазифаваии мудири кафедра
Дастурамали вазифавии профессори кафедра
Дастурамали вазифавии дотсенти кафедра
Дастурамали вазифавии муаллими калони кафедра
Дастурамали вазифавии ассистенти кафедра
Дастурамали вазифавии лабаранти кафедра