Кафедраи физикаи тиббӣ ва биологӣ бо асосҳои технологияи информатсионӣ
Санаи азнавсозӣ: 09.11.2026
РОҲБАРИЯТИ КАФЕДРА

Раҳимов Сайдаброр Ассоевич
Вазифа: мудири кафедра
Дараҷаи илмӣ: номзади илмҳои география
Ихтисос: омӯзгори география-биология
Тел/E-mail: saidabror2005@rambler.ru
ТАЪРИХИ КАФЕДРА
Кафедраи физикаи тиббӣ ва биологӣ бо асосҳои технологияи информатсионӣ сохтори асосии таълимию илми ва тарбиявии МТҒ “Донишкадаи тиббӣ – иҷтимоии Тоҷикистон” буда дар асоси Низомномаи кафедраи МТҒ “Донишкадаи тиббӣ – иҷтимоии Тоҷикистон” аз 01.02. соли 2023№01 тасдиқ гардида, таҳия карда шудааст. Фаъолияти худро дар самти корҳои таълимию методӣ, илмию таҳқиқотӣ, иҷтимоию тарбиявӣ ва робитаҳои байналмилалӣ ба роҳ мемонад. Кафедра тибқи муқаррароти амалкунанда дар асоси фармоиши ректори донишкада аз 02.09.2020 (№04-27) таъсис дода шудааст. Тибқи фармоиши мазкур кафедра барномаҳои таҳсилотиро дар зинаҳои таҳсилоти олии касбӣ, таҳсилоти касбии баъд аз муассисаҳои олии таълимӣ ва иловагӣ амалӣ менамояд.
Фаъолияти кафедра дар самти тайёр кардани бакалаврҳо, магистрҳо, мутахассисон, докторҳои фалсафа (PhD), докторҳо аз рӯи ихтисос, номзад ва докторҳои илм, ки дорои дониш ва маҳорату малакаи баланди касбии барои бо муваффақият фаъол намудани онҳо зарур, ҳамчунин рушди қобилияти эҷодии донишҷӯ, қобилияти илмии магистр, докторант аз рӯи ихтисос, докторант ва ташаккули мавқеи шаҳрвандии онҳо ба роҳ монда мешавад.
Аз рӯзи таъсиси кафедра солҳои 2020 то 2021 мудирии онро Давлатов Рустамҷон Ҷаборович, доктори фалсафа (PhD) доктор аз рӯи самти техникӣ, аз соли 2021 то 2022 Иброҳимов Раҳмоналӣ ба ӯҳда доштанд. Аз моҳи октябри соли 2022 то декабри соли 2023 н.и.п. Раҳмонов Шариф Мадиномович иҷрокунандаи вазифаи мудирии кафедраро ба зимма дошт. Аз январи соли 2024 то моҳи августи 2026 ба ҳайси иҷрокунандаи вазифаи мудири кафедра номзади илмҳои иқтисод Давлятова Меҳрангез Меликовна таъин шудааст. Аз моҳи августи соли равон и.в. мудири кафедраро Раҳимов С.А. ба уҳда дорад.
Дар кафедра аз рӯи фанҳои физикаи тиббӣ ва биологӣ, физикаи тиббӣ ва математика, математикаи олӣ, технологияи информатсионӣ, географияи Тоҷикистон бо асосҳои демография, радиатсия ва экологияи тиббӣ бо ду забон (тоҷикӣ ва русӣ), ва физикаи тиббӣ ва биологӣ, технологияи информатсионӣ - ба забони англисӣ тадрис дода мешавад. Ҳоло аъзои кафедра вазифаҳои серсоҳаро ба ҷо меоваранд, ки ба беҳтар намудани кори таълимӣ-методӣ, илмӣ, тарбиявӣ нигаронда шудаанд. Баланд бардоштани сифати машғулиятҳои амалӣ ва назариявиро бо роҳи тартиб додани воситаҳои махсуси методӣ ва таълимии ҳамаи фанҳои тадрисшаванда барои донишҷӯёни ҳамаи факултетҳо ба даст оварда мешавад.
Шароити кабинетҳо барои гузаронидани машғулиятхои назариявӣ ва амалӣ қаноатбахш буда, онҳо бо асбобҳои аёнӣ ҷиҳозонида шудаанд, ки ин ба баланд шудани сифати таълим таъсири калон расонида, машғулиятҳоро босамар мегардонад.
Кафедра дорои номгӯи зиёди китобҳои дарсӣ оид ба фанҳои таълимӣ, аз он ҷумла математикаи олӣ, физикаи тиббӣ, географияи Тоҷикистон бо асосҳои демография, технологияи информатсионӣ дар шакли электронӣ, матни лексияҳо ба забонҳои давлатӣ, русӣ, баромадҳо оид ба лексияҳо ва дарсҳои амалӣ, воситаҳои методӣ барои машгулиятҳои амалӣ, барномаҳои таълимӣ, супоришҳои тестӣ мебошад.
Нақшаи тақвимии машғулиятҳои назариявӣ ва амалӣ аз рӯйи ихтисосҳои «Кори табобатӣ», «Психологияи тиббӣ», «Кори иҷтимоӣ», «Стоматология» ва «Фармасевтӣ» ба ду забон тасдиқ карда шуда, саволҳои имтиҳонӣ бо се забон ва тахтаи электронӣ мавҷуд мебошад.
ФАЪОЛИЯТИ ТАЪЛИМӢ
Ба ҳама маълум аст, ки беҳтар намудани сифати таълим яке аз максадҳои асосии донишкада буда, ин ташаббусро аъзои кафедраи физикаи тиббӣ ва биологӣ бо асосҳои технологияи информатсионӣ бо масъулияти баланди касбӣ иҷро мекунад.
Дар кафедра барномаи таълимӣ барои донишҷӯёни курсҳои 1 ва 2 аз рӯи ихтисосҳои «Кори табобатӣ», «Психологияи тиббӣ», «Кори иҷтимоӣ», «Стоматология» ва «Фармасевтӣ» аз фанҳои «Физикаи тиббӣ ва биологӣ», «Физикаи тиббӣ ва математика, «Математикаи олӣ», «Технологияи информатсионӣ», «Географияи Тоҷикистон бо асосҳои демография», «Радиатсия ва экологияи тиббӣ» бо ду забон (тоҷикӣ ва русӣ), «Физикаи тиббӣ ва биологӣ» ва «Технологияи информатсионӣ»- ба забони англисӣ машғулиятҳои назариявӣ ва амали, гузаронида мешавад.
Донишҷӯён аз рӯи низоми кредитӣ-модулӣ таълим гирифта, дар давоми 2 марҳила кафедра ба таври шифоҳӣ 4 санҷиши академӣ, дар сессияҳои тобистона ва зимистона аз фанни таълимии кафедра бо се забон (тоҷикӣ, русӣ ва англисӣ) имтиҳон месупоранд.
Дар кафедра машғулиятҳои назариявӣ ва амалӣ аз рӯйи стандартҳои таълимӣ бо назардошти технологияҳои нав ва бо истифода аз усулҳои инноватсионии таълим ба забонҳои тоҷикӣ, русӣ ва анлисӣ гузаронида мешаванд. Бояд гуфт, ки тамоми омӯзгорони кафедра маҷмӯи ҷадвалҳо, овезаҳо, тестҳо, супоришҳои мустақилона, дастурамалҳо оид ба гузаронидани дарсҳои амалӣ гирд овардаанд, барои баланд бардоштани сатҳу сифати дарсҳо мусоидат мекунанд.
КОРҲОИ ИЛМӢ – ТАҲҚИҚОТӢ
Дар кори кафедра фаъолияти илмии устодон мавқеи муҳимро ишғол мекунад. Кафедра дар асоси нақшаи илмии донишкада дар самти рушди нерӯи илмӣ, фаъолсозӣ ва такмили ихтисос, ҷалби омӯзгорони ҷавони боистеъдод ба докторантура аз рӯи ихтисоси доктори илмҳо (PhD), рушди фаъолияти таҳқиқотӣ бо натиҷаҳои таҳқиқоти илмӣ бой гардондани раванди таълим фаъолият дорад.
Натиҷаҳои корҳои илмию тадқиқотӣ аз ҷониби устодони кафедра дар фаъолияти ҳаррӯзаи таълимии донишҷӯён мунтазам истифода мешаванд.
Бо максади баланд бардоштани сифати омода кардани мутахассисони соҳаи тиб, бедор намудани фаъолияти эчодӣ дар таҳқиқот ва хулосаҳои илмӣ, бештар омӯхтани фанҳои махсус, бештар ҷалб намудани донишҷӯён ва ба истеҳсолот пайвастани илм, мустаҳкам намудани донишҳои назариявӣ ва малакаҳои амалӣ, инчунин дар роҳи иҷрои вазифаҳо Фармони Президенти Ҷумҳурии Тоҷикистон аз 31 январи соли 2020 (таҳти №1445) дар бораи эълон гардидани солҳои 2020-2040 «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар назди кафедра маҳфили илмии фаннӣ таҳти унвони «Эврика» амал мекунад. Дар он тамоми кормандони кафедра иштирок намуда, донишҷӯёни қобилиятнок, ки майли илм доранд, ҷалб карда мешаванд. Омӯзгорон ва донишҷӯён бо маърӯзаҳо дар конференсияҳои илмию амалии олимону донишҷӯёни ҷавони донишкада ва сатҳи ҷумҳуриявӣ, дар форумҳои умумииттифоқии илмии донишҷӯён ҳамасола иштирок намуда, борҳо бо Ифтихорномаҳою Сипосномаҳо, диплому туҳфаҳои хотиравӣ қадр карда шуданд.
Ҷаласаҳои ҷамъияти илмии донишҷӯён кафедра тибқи нақшаи тасдиқшуда ҳар семоҳ як маротиба баргузор гардида, дар онҳо масъалаҳо дар шакли презентатсия пешниҳод гардида, усулҳои муносибат ба таҳқиқоти илмӣ баррасӣ карда мешаванд.
КОРҲОИ ТАРБИЯВИИ КАФЕДРА
Яке аз масъалаҳои муҳими тарбияи ҷавонон дар рӯҳияи инсондӯстӣ, меҳанпарастӣ ва ифтихори ватандорӣ, бахусус, риояи одоби деонтологӣ мебошад. Дар байни кормандони ҷавони кафедра ва донишҷӯён оид ба меъёрҳои ахлоқӣ, одоби сиёсию касбӣ, эҳтироми шогирдон ва дигар масъалаҳои деонтологияи тиббӣ машғулиятҳои омӯзишӣ гузаронда мешаванд.
Кафедра бо донишҷӯёни ҳамаи факултетҳои донишкада аз рӯи ихтисосҳои «Кори табобатӣ», «Психологияи тиббӣ», «Кори иҷтимоӣ», «Стоматология» ва «Фармасевтӣ» корҳои тарбиявӣ мебарад. Нақшаи умумии корҳои тарбиявии кафедра ва нақшаҳои корӣ ҳар як омӯзгор-роҳбар дар ҷаласаи кафедра тасдиқ карда мешавад.
Дар оғози дарсҳои амалӣ ва КМРО ва ҳам соатҳои тарбиявӣ 10-15 дақиқа ба мавзуъҳои муҳаббат ба Ватану миллат, маънои рамзҳои давлатӣ, шиносоӣ бо китобҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ноил шудан ба мақсадҳо ва татбиқи Стратегияи давлатии Ҷумҳурии Тоҷикистон оид ба масъалаҳои муқовимат ба экстремизм ва терроризм аҳамияти махсус дода мешавад. Ҳамзамон аҳли кафедра бо тамоюлҳои зиддиконститусионӣ, мубориза бар зидди коррупсия, ахамияти НОБ-и Роғун ва татбиқи бандҳои Қонуни ҶТ дар бораи «Танзими анъана ва ҷашну маросимҳо дар ҶТ» ва «Масъулияти падару модар дар таълиму тарбияи фарзанд» ба таври ҷиддӣ муносибат мекунанд.
Ҳар рӯз бо донишҷӯён оид ба рафтори дуруст дар ҷойҳои ҷамъиятӣ, одоби муошират ва муроҷиат ба дигарон, тарзи либоспӯшӣ суҳбатҳо гузаронда мешаванд. Ба шунавандагоне, ки дар машғулиятҳои амалӣ ва назариявӣ иштирок мекунанд, диққати махсус дода мешавад. Агар донишҷӯ бо сабабҳои узрнок ба дарс ҳозир нашуда бошад, он бояд фавран сабақгардонӣ намояд. Дар чорабиниҳои оммавии донишкада ва кафедра фаъолона иштирок намояд.
Ҷойгиршавии кафедра
Кафедраи физикаи тиббӣ ва биологӣ бо асосҳои технологияи информатсионӣ дар ошёнаи 4-уми бинои асосии таълимии МТҒ “Донишкадаи тиббӣ-иҷтимоии Тоҷикистон” ҷойгир буда, дар он 1 толори лексионӣ ва 4 синфхонаи таълимӣ мебошад, ки онҳо бо таҷҳизоти аёнӣ ва тахтаи электронӣ ва проектор таъмин мебошад.
Суроғаи донишкада: 734042, Ҷумҳурии Тоҷикистон, ш. Душанбе, кӯчаи Клара Сеткина, 2, телефон: (+992) 907 86 86 30, e-mail: 11zarrr@mail.ru
Кормандони кафедра
Раҳимов Сайдаброр Ассоевич
Вазифа: мудири кафедра
Дараҷаи илмӣ: номзади илмҳои география
Ихтисос: омӯзгори география-биология
Тел/E-mail: saidabror2005@rambler.ru
Нуралиева Мавҷуда Акрамовна
Вазифа: ассистент
Унвони илмӣ: —
Ихтисос: омӯзгори география
Тел:+992989141222 E-mail: nmavdzhuda@mail.ru
Файзиева Муҳарамой Раҳимҷоновна
Вазифа: ассистент
Унвони илмӣ: —
Ихтисос: омӯзгори физика
Тел.: +992935625545 E-mail: fmuharamoy@mail.ru
Муминов Бахтиёр Табарович
Вазифа: ассистент
Унвони илмӣ: —
Ихтисос: омӯзгори математика ва физика
Тел: +992900259955 E-mail: muminov.bakhtyr@list.ru
Давлятова Меҳрангез Меликовна
Вазифа: ассистент
Унвони илмӣ: номзади илмҳои иқтисод
Ихтисос: информатик-иқтисодчӣ
Тел: +992888811986 E-mail: mehrangez86@mail.ru
Раҳмонов Шарифҷон Мадиномович
Вазифа: ассистент
Унвони илмӣ: номзади илмҳои педагогӣ
Ихтисос: омӯзгори физика ва математика
Тел: +992 918 67 74 48 E-mail: edudepartment.msit@mail.ru
Талабов Одина Давлатович
Вазифа: ассистент
Унвони илмӣ: —
Ихтисос: омӯзгори география ва биология
Тел: +992 918 681713 E-mail: talabov.odihna66@gmail.com
Раҳматуллоева Фируза Ҷамшедовна
Вазифа: ассистент
Унвони илмӣ: номзади илмҳои физика ва математика
Ихтисос: астоном
Тел: +992 935755509 E-mail: rahmat.firuza@gmail.com
Ғуломов Ғоибназар Раҳматуллоевич
Вазифа: ассистент
Унвони илмӣ: —
Ихтисос: автоматонии системаҳои коркарди иттилоот
Тел: +992 985673977
Собиров Фирдавс Маҳмадрасулович
Вазифа: ассистент
Унвони илмӣ: —
Ихтисос: ҳимояи иттилоотӣ
Тел: +992 908863135
Сафаров Раҳмоналӣ Киромиддинович
Вазифа: ассистент
Унвони илмӣ: —
Ихтисос: автоматонии системаҳои коркарди иттилоот
Тел: +992933113300
Ҳасанов Муҳаммад Достонович
Вазифа: ассистент
Унвони илмӣ: —
Ихтисос: автоматонии системаҳои коркарди иттилоот
Тел: +992987270694
Руйхати ҳуҷҷатҳо
Низомномаи маҳфили илмии фаннӣ
Дастурамали вазифаваии мудири кафедра
Дастурамали вазифавии профессори кафедра
Дастурамали вазифавии дотсенти кафедра
Дастурамали вазифавии муаллими калони кафедра