Кафедраи онкология ва ташхиси шуоӣ
Таърихи азнавсозӣ: 03.11.2026

Мудири кафедра
Хусейнзода Зафар Ҳабибулло
Вазифа: мудири кафедраи онкология ва ташхиси шуоӣ МТҒ “Донишкадаи тиббӣ-иҷтимоии Тоҷикистон”
Унвони илмӣ: доктори илми тиб, профессор, сармутахассиси соҳаи саратоншиносии ВТҲИА ҶТ, аълочии тандурустии Ҷумҳурии Тоҷикистон, Корманди шоистаи Ҷумҳурии Тоҷикистон.
Ихтисос: саратоншинос.
Тел: 93-488-29-29
Е-mail: zafhab@mail.ru
Кафедраи онкология ва ташхиси шуоӣ
Кафедраи онкология ва ташхиси шуоии МТҒ «Донишкадаи тиббӣ- иҷтимоии Тоҷикистон» аз 1-уми сентябри соли 2025 кор ва фаъолияти худро оғоз кард. Кафедраи онкология ва ташхиси шуоии МТҒ «Донишкадаи тиббӣ- иҷтимоии Тоҷикистон» омодасозии мутахассисони баландихтисосро дар соҳаи онкологияи клиникӣ, ташхиси шуоӣ ва терапияи шуоӣ мутобиқ ба стандартҳои муосири таҳсилот ва талаботи низоми тандурустӣ амалӣ менамояд. Раванди таълим ба ташаккули салоҳиятҳои муосири касбӣ дар донишҷӯён ва табибони интерна, рушди тафаккури клиникӣ ва азхудкунии принсипҳои тиббӣ далелнок равона гардидааст.
Ҳадаф ва вазифаҳои асосии кафедра:
- Омода намудани донишҷӯён ба фаъолият дар ҷомеаи касбии онкологӣ ва инкишофи малакаи ҳамкорӣ; тарбия ва ташаккули ҷаҳонбинӣ ва салоҳиятҳои иҷтимоиву фарҳангии донишҷӯён дар раванди таълим; тарбияи донишҷӯён дар раванди омӯзиши фанни онкология бо мақсади ташаккули муносибати инсондӯстона ба бемор ва дарки амиқи арзишҳои умумибашарӣ; ташаккул ва рушди тафаккури клиникӣ вобаста ба ташхис ва табобати бемориҳои саратонӣ дар байни донишҷӯёни курсҳои 5–6; кор бо донишҷӯён ҷиҳати бедор кардани шавқу ҳавас ба соҳаи онкология ва интихоби касби мутобиқ, тарғиб ва муаррифии дастовардҳои муҳимми илмӣ ва техникии ҷаҳонӣ дар соҳаи онкология барои баланд бардоштани сатҳи маърифатнокии ҷавонон, фаҳмондани воқеиятҳо барои барҳам задани афсонаҳо ва стереотипҳои мавҷуда дар бораи саратон;
- Омӯзонидани асосҳои онкология, ташхиси нурӣ ва табобати он ба донишҷӯёни муассисаҳои олии тиббӣ;
- Тайёр кардани мутахассисони баландихтисос дар соҳаи онкология ва рентгенология;
- Ҷорӣ кардани технологияҳо ва усулҳои муосири таълим ба раванди омӯзиш;
Фаъолияти клиникӣ:
- Расонидани ёрии тиббии босифат ба беморон ва бемориҳои онкологӣ;
- Ҷорӣ намудани усулҳои муосири ташхис ва табобат ба амалияи клиникӣ;
- Таъмини пайгирӣ ва пайвастагӣ дар расонидани ёрии тиббӣ ба беморони гирифтори саратон дар тамоми марҳилаҳои табобат;
- Ҳамкорӣ бо муассисаҳои дигари тиббӣ дар масъалаҳои ташхис ва муолиҷаи бемориҳои саратонӣ;
Корҳои таълимӣ-методӣ
Самтҳои асосии фаъолияти кафедра аз ташкил ва баргузории раванди таълим барои донишҷӯёни курсҳои болоӣ, ҷорӣ намудани усулҳои муосири омӯзиш, ташаккули тафаккури клиникӣ ва малакаҳои амалии тиббӣ дар заминаи принсипҳои тибби далелнок, инчунин омода намудани мутахассисони ҷавон ба фаъолияти амалӣ дар низоми тандурустӣ иборат мебошад. Фаъолияти таълимӣ- курсҳои лексионӣ, машғулиятҳои амалӣ, таҳлилҳои клиникии беморон, кор бо беморон дар пойгоҳҳои клиникӣ, инчунин фаъолияти мустақилона ва илмӣ-тадқиқотии донишҷӯёнро дар бар мегирад. Ба ташхиси барвақтии намудҳои бадсифат, усулҳои муосири табобат, муносибати байнисоҳавӣ ва ҷорӣ намудани технологияҳои инноватсионӣ дар раванди таълим таваҷҷуҳи махсус зоҳир карда мешавад.
Корҳои илмӣ-таҳқиқотӣ
Фаъолияти илмии кафедра ба омӯзиши масъалаҳои мубрами онкология ва ташхиси шуоӣ, такмили усулҳои ошкорсозии барвақт, ташхис ва табобати мураккаби навзудҳои бадсифат равона гардидааст. Кормандони кафедра дар конфронсҳои илмӣ-амалӣ фаъолона иштирок намуда, дар таҳияи маводи таълимию методӣ, ҷорӣ намудани технологияҳои инноватсионӣ ва татбиқи барномаҳои таълимӣ ва профилактикӣ, ки ба баланд бардоштани сифати кӯмаки тиббӣ ва баланд намудани ҳушёрии онкологӣ миёни кормандони тиб ва аҳолӣ равона шудаанд, саҳми назаррас мегузоранд.
Таҳқиқоти илмӣ:
- Гузаронидани тадқиқоти илмӣ оид ба масъалаҳои мубрами онкология ва рентгенология;
- Коркард ва ҷорӣ кардани усулҳои нави ташхис ва табобати бемориҳои саратонӣ;
- Омӯхтани эпидемиология ва пешгирии бемориҳои саратонӣ;
- Омӯхтани механизмҳои инкишофи омосҳо;
Вазифаҳои иловагӣ:
- Коркард ва ҷорӣ намудани технологияҳои нави ташхиси шуоӣ ва терапия, аз ҷумла технологияҳои гибридӣ;
- Иштирок дар тадқиқотҳои байналмилалии клиникӣ;
- Тарғиби тарзи ҳаёти солим ва пешгирии бемориҳои саратонӣ;
- Иштирок дар фаъолияти марказҳои онкологӣ ва дигар муассисаҳои тиббӣ;
КОРҲОИ ТАРБИЯВИИ КАФЕДРА
Яке аз масъалаҳои муҳимтарини тарбияи ҷавонон дар рӯҳияи ватандӯстиву инсондӯстӣ, бахусус, риояи одоб ва деонтологӣ мебошад. Дар байни кормандони ҷавони кафедра ва донишҷӯён оид ба кори идеологӣ, сиёсию тарбиявӣ лекцияхо гузаронда мешаванд.
Кафедра бо донишҷӯёни факултетҳои гуногун аз рӯи ихтисосҳои «Кори табобатӣ», «Психологияи тиббӣ» ва «Стоматология» корҳои тарбиявӣ мебарад. Нақшаи умумии корҳои тарбиявии кафедра ва нақшаҳои кории ҳар як омӯзгор-роҳбар дар ҷаласаи кафедра тасдиқ карда мешавад.
Дар оғози дарсҳои амалӣ устодони кафедра 10-15 дақиқа дар мавзуъҳои: Муҳаббат ба Ватану миллат; маънои рамзҳои давлатӣ; шиносоӣ бо китобҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон; ноил шудан ба мақсадҳо ва татбиқи Стратегияи Ҳукумати Ҷумҳурии Тоҷикистон ба масъалаҳои муқовимат ба экстремизм ва терроризм аҳамияти махсус дода мешавад; бо тамоюлҳои зиддиконститусионӣ; мубориза бар зидди коррупсия; аҳамияти ГЭС-и Роғун ва ғайра ба қонунҳои «Танзими анъана ва ҷашну маросимҳо» ва «Уҳдадориҳои падару модарон дар таълиму тарбияи фарзанд» ба таври ҷиддӣ муносибат мекунанд; нақшаи даҳсолаи «Об барои рушд барои солҳои 2018-2028»; ободонии шаҳри Душанбе; олимон ва ходимони хизматнишондодаи РСС Тоҷикистон; дастовардҳо дар соҳаи маориф, илм ва фаъолияти таълимӣ; омода намудани донишҷӯёни хориҷӣ ва ғайра.
Ҳар рӯз бо донишҷӯён оид ба рафтори дуруст дар ҷойҳои ҷамъиятӣ, одоби муошират ва муроҷиат ба дигарон, тарзи либоспӯшӣ суҳбатҳо гузаронда мешаванд. Ба шунавандагоне, ки дар машғулиятҳои амалӣ ва назариявӣ иштирок мекунанд, диққати махсус дода мешавад. Агар донишҷӯ бо сабабҳои дар машғулиат ҳозир набошад, он бояд фавран сабақгардонӣ карда шавад. Ҳайати аъҷои кафедра дар чорабиниҳои оммавии донишкада ва кафедра фаъолона иштирок намояд.
КОРМАНДОНИ КАФЕДРА
Ҳусейнзода Зафар Ҳабибулло
Вазифа: мудири кафедра
Дараҷаи илмӣ: доктори илми тиб, профессор
Ихтисос: саратоншинос
Тел: +992 93 488 2929;
e-mail: zafhab@mail.ru
Ашурова Муаззама Джамаловна
Вазифа: ассистенти кафедра
Дараҷаи илмӣ: -
Ихтисос: саратоншинос
Тел: +992 918 64 7876;
e-mail: ashurovamuazzama@gmail.com
Раҳимова Сарвиноз Шавкатовна
Вазифа: ассистенти кафедра
Дараҷаи илмӣ: -
Ихтисос: саратоншинос
Тел: +992 919 21 3012;
e-mail: rahimova.s2001@mail.ru
Камнев Станислав Анатолевич
Вазифа: ассистенти кафедра
Дараҷаи илмӣ: -
Ихтисос: ҷарроҳ
Тел: +992 93 510 1869;
e-mail: ksa2804@gmail.com