Кафедраи бемориҳои гӯшу, гулӯ ва бинӣ


Санаи аз навсозӣ 07.11.2026

МУДИРИ КАФЕДРА

  • Досова Мадина Сайдахмадовна

    Досова Мадина Сайдахмадовна

    Вазифа: мудири кафедра

    Ихтисос: табиби бемориҳои гӯшу гулӯ ва бинӣ

    Тел: +992 900 74 00 08

    Почта: email@mail.com

КАФЕДРАИ БЕМОРИҲОИ ГӮШУ, ГУЛӮ ВА БИНӢ   

            Кафедраи бемориҳои гӯшу, гулӯ ва бинӣ   ҳамчун воҳиди мустақили таълимӣ дар Муассисаи таълимии ғайридавлатии «Донишкадаи тиббӣ-иҷтимоии Тоҷикистон» дар асоси фармоиши ректори донишкада таҳти № 04-619 таъсис дода шудааст.Таъсиси кафедра яке аз қадамҳои муҳим дар самти такмили низоми таълимоти тиббӣ, баланд бардоштани сифати омодасозии мутахассисони соҳаи ЛОР ва рушди фаъолияти таълимӣ, илмӣ-таҳқиқотӣ ва клиникӣ ба ҳисоб меравад. Фаъолияти кафедра ба омода намудани мутахассисони дорои донишҳои муосири тиббӣ, малакаҳои баланди касбӣ, тафаккури клиникӣ ва қобилияти қабули қарорҳои асоснок дар шароити фаъолияти амалии тиббӣ равона шудааст.

     Роҳбарии кафедраро Досова Мадина Сайдахмадовна ба уҳда дорад. Таҳти роҳбарии мудири кафедра фаъолияти таълимӣ, таълимӣ-методӣ ва илмӣ-таҳқиқотӣ бо дарназардошти талаботи муосири таҳсилоти олии тиббӣ ва стандартҳои омодасозии мутахассисони соҳаи тандурустӣ ба роҳ монда мешавад. Аз рӯзҳои аввали таъсисёбӣ кафедра ба ташаккули заминаҳои устувори таълими назариявӣ ва амалии донишҷӯён, таҳияи барномаҳои таълимӣ, такмили маводи методӣ ва ҷорӣ намудани усулҳои муосири омӯзиш диққати махсус медиҳад. Дар ин раванд ҳамгироии донишҳои бунёдӣ бо таҷрибаи клиникӣ, истифодаи дастовардҳои илмҳои тиббӣ ва рушди малакаҳои амалии донишҷӯён мавқеи муҳим доранд.

     Фаъолияти кафедра мутобиқи нақшаи кории тасдиқшуда, Низомномаи кафедра, санадҳои меъёрии ҳуқуқии Ҷумҳурии Тоҷикистон дар соҳаҳои маориф ва тандурустӣ, инчунин қарорҳои дахлдори роҳбарияти донишкада ва Шурои олимони он амалӣ карда мешавад.

                     САМТҲОИ АСОСИИ ФАЪОЛИЯТИ КАФЕДРА

            Фаъолияти кафедраи бемориҳои гӯшу, гулӯ ва бинӣ фарогири самтҳои асосии таълимӣ, илмӣ-таҳқиқотӣ, таълимӣ-методӣ ва тарбиявӣ буда, дар баланд бардоштани сифати таҳсилоти тиббӣ ва ташаккули мутахассисони рақобатпазири соҳаи тандурустӣ равона гардидааст.

                  Самтҳои афзалиятноки фаъолияти кафедра инҳоянд:

  • Баланд бардоштани сифати таълим: таъмини азхудкунии амиқи донишҳои назариявӣ ва ташаккули малакаҳои амалии донишҷӯён дар соҳаи, беморихои гӯшу, гулӯ ва бинӣ;
  • Такмили омодагии клиникӣ: омӯзонидани принсипҳои муосири ташхис, табобат, пешгирии оризаҳо ва расонидани ёрии тиббӣ ҳангоми осебҳои гуногун, садамаҳо ва ҳолатҳои таъҷилӣ;
  • Рушди фаъолияти илмӣ-таҳқиқотӣ: ҷалби омӯзгорон ва донишҷӯён ба таҳқиқоти илмӣ, омӯзиши масъалаҳои мубрами соҳаи гӯшу,гулӯ ва бинӣ татбиқи натиҷаҳои илмӣ дар раванди таълим ва фаъолияти клиникӣ;
  • Такмили фаъолияти таълимӣ-методӣ: таҳия ва такмили барномаҳои таълимӣ, силлабусҳо, дастурҳои таълимӣ-методӣ, маводи лексионӣ ва дигар захираҳои таълимӣ;
  • Истифодаи технологияҳои муосир: ҷорӣ намудани усулҳои интерактивии таълим, технологияҳои иттилоотию коммуникатсионӣ, воситаҳои мултимедиявӣ ва симулятсияҳои таълимӣ;
  • Тарбияи мутахассисони дорои ахлоқи баланди касбӣ: ташаккули масъулиятшиносӣ, инсондӯстӣ, эҳтиром ба ҳуқуқи бемор, риояи сирри тиббӣ ва меъёрҳои деонтологияи тиббӣ;
  • Рушди фаъолияти ихтироъкорӣ ва инноватсионӣ: мусоидат ба таҳияи усулҳо, роҳҳои ҳалли нав ва натиҷаҳои илмие, ки барои рушди ҷарроҳии муосир аҳаммияти назариявӣ ва амалӣ доранд;
  • Тақвияти ҳамкориҳои илмӣ: фароҳам овардани замина барои иштирок дар конференсияҳо, симпозиумҳо ва форумҳои илмии ҷумҳуриявию байналмилалӣ;
  • Баланд бардоштани сатҳи касбии омӯзгорон: фароҳам овардани имконият барои такмили ихтисос, бозомӯзии касбӣ ва шиносоӣ бо дастовардҳои навтарини илми тиб;

                               ФАЪОЛИЯТИ ТАЪЛИМӢ -МЕТОДӢ

               Фаъолияти таълимӣ-методии кафедра ба такмили пайвастаи мазмун ва сифати таълим, таҳияи маводи таълимӣ ва истифодаи самараноки технологияҳои муосири педагогӣ равона шудааст. Дар ин самт таҳия ва такмили барномаҳои таълимӣ, силлабусҳо, нақшаҳои машғулиятҳо, маводи лексионӣ, дастурҳои таълимӣ-методӣ, саволномаҳои санҷишӣ ва дигар воситаҳои арзёбии донишҳои донишҷӯён аҳаммияти муҳим доранд. Омӯзгорон барои мувофиқ намудани мазмуни таълим ба талаботи муосири таҳсилоти тиббӣ, истифодаи адабиёти соҳавӣ ва татбиқи усулҳои фаъоли таълим кӯшиш менамоянд. Таваҷҷуҳи махсус ба такмили усулҳои арзёбии дониш, таҳлили ҳолатҳои клиникӣ ва баланд бардоштани иштироки мустақилонаи донишҷӯён дар раванди омӯзиш равона карда мешавад.

            Раванди таълим дар кафедра бо дарназардошти талаботи барномаҳои таълимии таҳсилоти олии тиббӣ ва хусусиятҳои фанҳои соҳавӣ ташкил карда мешавад. Машғулиятҳо дар бинои маркази клиникӣ, илмӣ-таълимии назди МТҒ «Донишкадаи тиббӣ-иҷтимоии Тоҷикистон» ва дар Муассисаи давлатии «Маҷмааи тандурустии “Истиқлол”» баргузор мегарданд.

            Дар таълими фанҳои соҳавӣ омӯзгорони дорои дараҷаҳои илмӣ, аз ҷумла номзади илмҳои тиб, иштирок намуда, лексияҳоро бо истифода аз донишҳои муосири илмӣ, адабиёти соҳавӣ ва таҷрибаи касбӣ мегузаронанд. Ба мазмуну муҳтавои лексияҳо, шарҳи масъалаҳои мубрами ҷарроҳии муосир, таҳлили ҳолатҳои клиникӣ ва пайванди донишҳои назариявӣ бо таҷрибаи амалии тиббӣ таваҷҷуҳи махсус зоҳир карда мешавад.

        Дар ҷараёни машғулиятҳои амалӣ донишҷӯён бо принсипҳои асосии муоинаи бемор, ҷамъоварии анамнез, арзёбии ҳолати клиникӣ, асосҳои ташхиси пешакӣ, интихоби усулҳои ташхис ва принсипҳои табобати беморихои гӯшу, гулӯ ва бинӣ шинос мешаванд. Ҳамчунин, масъалаҳои марбут ба осебҳои бинӣ ва мағзи сар, осебҳои системаи гӯш, ҷароҳатҳои узвҳои гуногун, садамаҳо ва осебҳои омехта мавриди омӯзиш қарор мегиранд.

         Омӯзгорони кафедра барои баланд бардоштани самаранокии таълим аз усулҳои фаъоли педагогӣ, презентатсияҳои мултимедиявӣ, маводи видеоӣ, тахтаҳои электронӣ, муҳокимаи ҳолатҳои клиникӣ ва дигар воситаҳои муосири таълим истифода мебаранд. Чунин равиш ба рушди тафаккури клиникӣ, қобилияти таҳлилӣ ва мустақилияти касбии донишҷӯён мусоидат мекунад.

        Дар кафедра донишҷӯёни факултети тиббӣ ва факултети стоматологӣ аз фанҳои марбут ба ҷарроҳии умумӣ, ҷарроҳии асаб ва садамаҳои омехта таълим мегиранд. Раванди таълим бо забонҳои тоҷикӣ, русӣ ва англисӣ мутобиқи барномаҳои таълимӣ ва тартиби муқарраргардидаи донишкада ба роҳ монда мешавад. Ҳадафи асосии фаъолияти таълимӣ на танҳо интиқоли донишҳои назариявӣ, балки ташаккули малакаҳои амалии зарурӣ, қобилияти тафаккури клиникӣ, риояи меъёрҳои ахлоқии касбӣ ва омодагии донишҷӯён ба фаъолияти минбаъдаи тиббӣ мебошад.

                    ҲАЙАТИ ОМӮЗГОРОН ВА ИҚТИДОРИ ИЛМИИ КАФЕДРА

            Ҳайати омӯзгории кафедра дар таъмини сифати баланди таҳсилоти тиббӣ ва омода намудани мутахассисони соҳибихтисос нақши муҳим дорад. Дар раванди таълим мутахассисони дорои таҷрибаи касбӣ ва дараҷаҳои илмӣ ҷалб гардида, донишҳои назариявӣ ва таҷрибаи соҳавии худро ба донишҷӯён пешниҳод менамоянд. Мудири кафедра, Досова Мадина Сайдахмадовна фаъолияти таълимӣ, илмӣ ва тарбиявии кафедраро роҳбарӣ намуда, барои ҳамоҳангсозии раванди таълим, такмили корҳои методӣ, рушди иқтидори илмии ҳайати омӯзгорон ва баланд бардоштани сатҳи омодагии касбии донишҷӯён мусоидат менамояд.

            Лексияҳои фанҳои соҳавӣ аз ҷониби номзади илмҳои тиб гузаронида шуда, мазмуну муҳтавои онҳо бо дарназардошти дастовардҳои муосири илми тиб ва талаботи омодасозии мутахассисони соҳаи гӯшу гулӯ ва бинӣ таҳия мегардад. Истифодаи таҷрибаи илмӣ ва клиникии омӯзгорон ба амиқтар азхуд намудани маводи таълимӣ ва ташаккули ҷаҳонбинии касбии донишҷӯён мусоидат мекунад.

            Яке аз самтҳои муҳими фаъолияти ҳайати омӯзгорон рушди пайвастаи донишҳои касбӣ, омӯзиши адабиёти илмӣ, иштирок дар чорабиниҳои тахассусӣ ва ҷорӣ намудани равишҳои муосири таълим мебошад. Омӯзгорон барои баланд бардоштани сифати таълим, такмили малакаҳои клиникӣ ва ташаккули муҳити мусоиди илмӣ-таълимӣ пайваста кӯшиш менамоянд.

                               ФАЪОЛИЯТИ ИЛМӢ-ТАҲҚИҚОТӢ

            Фаъолияти илмӣ-таҳқиқотӣ яке аз самтҳои муҳими фаъолияти кафедра ба шумор меравад. Он ба омӯзиши масъалаҳои мубрами ҷарроҳии бинӣ, ҷарроҳии гулӯ, ташхис ва табобати осебҳои гуногун, садамаҳо ва осебҳои омехта равона карда мешавад.

            Омӯзгорони кафедра ба омӯзиш ва таҳлили дастовардҳои навтарини илмҳои тиббӣ, таҳияи маводи илмӣ, мубодилаи таҷрибаи касбӣ ва ҷустуҷӯи роҳҳои такмили фаъолияти таълимӣ ва клиникӣ таваҷҷуҳ зоҳир менамоянд. Натиҷаҳои фаъолияти илмӣ метавонанд барои такмили мазмуни лексияҳо, машғулиятҳои амалӣ ва рушди тафаккури илмии донишҷӯён истифода шаванд.

            Дар доираи фаъолияти илмӣ-таҳқиқотӣ ба масъалаҳои зерин аҳаммияти махсус дода мешавад:

-омӯзиши равишҳои муосири ташхис ва табобати бемориҳои гӯш гулӯ ва бинӣ;

-омӯзиши хусусиятҳои расонидани ёрии тиббӣ ҳангоми садамаҳо ва осебҳои омехта;

-таҳияи маводи илмӣ ва таълимӣ-методӣ;

-ҷалби донишҷӯён ба корҳои илмӣ-таҳқиқотӣ ва ташаккули малакаҳои таҳлили илмӣ;

-омӯзиш ва истифодаи дастовардҳои нави тиббӣ дар раванди таълим.

            Кафедра ба рушди фарҳанги илмӣ, ташаккули қобилияти таҳлилӣ ва бедор намудани шавқу рағбати донишҷӯён ба фаъолияти таҳқиқотӣ мусоидат менамояд. Ҳадаф аз ин раванд омода намудани мутахассисоне мебошад, ки метавонанд дар фаъолияти ояндаи касбии худ аз донишҳои илмӣ ва равишҳои асосноки тиббӣ истифода баранд.

            Иштирок дар чорабиниҳои илмӣ яке аз воситаҳои муҳими такмили донишҳои касбӣ, мубодилаи таҷриба ва муаррифии натиҷаҳои фаъолияти илмӣ ба ҳисоб меравад. Омӯзгорони кафедра дар конференсияҳои илмӣ-амалӣ, ҳамоишҳои тахассусӣ ва чорабиниҳои илмии сатҳи байналмилалӣ иштирок намуда, бо дастовардҳои навтарини соҳаи ҷарроҳӣ, равишҳои муосири ташхису табобат ва таҷрибаи ҳамкасбони ватаниву хориҷӣ шинос мешаванд. Чунин ҳамкориҳо ба васеъ гардидани ҷаҳонбинии илмӣ, такмили фаъолияти касбӣ ва баланд бардоштани сатҳи омодагии мутахассисон мусоидат мекунанд.

            Дар баробари омӯзгорон, донишҷӯёни фаъол низ ба корҳои илмӣ ҷалб карда шуда, барои омода намудани маърӯзаҳо, таҳияи маводи таҳқиқотӣ ва иштирок дар конференсияҳои донишҷӯён имконият пайдо мекунанд. Ин раванд ба ташаккули малакаҳои таҳлили илмӣ, нутқи касбӣ, муаррифии натиҷаҳои таҳқиқот ва рушди қобилияти мустақилонаи омӯзиш мусоидат менамояд.

            Омодасозии донишҷӯён ба чорабиниҳои илмӣ яке аз самтҳои муҳимми фаъолияти таълимӣ ва тарбиявии кафедра буда, барои дар онҳо ташаккул додани масъулияти илмӣ, тафаккури таҳлилӣ ва шавқу рағбат ба навовариҳои тиббӣ замина фароҳам меорад.                       

            Рушди фаъолияти ихтироъкорӣ ва татбиқи натиҷаҳои илмӣ дар амалия яке аз нишондиҳандаҳои муҳими иқтидори илмии мутахассисони соҳаи тиб мебошад. Омӯзгорони кафедра дорои патентҳои ихтироъ мебошанд, ки ин аз фаъолияти илмӣ-таҳқиқотӣ ва ҷустуҷӯи роҳҳои нави ҳалли масъалаҳои соҳавӣ шаҳодат медиҳад. Фаъолияти ихтироъкорӣ барои таҳияи усулҳо, такмили равандҳои мавҷуда ва ҷустуҷӯи роҳҳои самараноки ҳалли масъалаҳои тиббӣ замина фароҳам меорад.

            Дар доираи ин самт ба ҳифзи моликияти зеҳнӣ, омӯзиши натиҷаҳои таҳқиқоти илмӣ, мубодилаи таҷрибаи касбӣ ва фароҳам овардани имконият барои ҷалби донишҷӯён ба корҳои илмӣ аҳаммият дода мешавад.

Таҷрибаи илмӣ ва ихтироъкоронаи омӯзгорон метавонад барои ташаккули шавқу рағбати донишҷӯён ба таҳқиқот, рушди тафаккури навоварона ва омодасозии мутахассисони дорои ҷаҳонбинии муосири илмӣ мусоидат намояд.

                                          ФАЪОЛИЯТИ ТАРБИЯВӢ  

      Омодасозии мутахассиси соҳаи тиб танҳо бо азхуд намудани донишҳои назариявӣ ва малакаҳои амалии касбӣ маҳдуд намегардад. Ташаккули ахлоқи баланди касбӣ, масъулиятшиносӣ, инсондӯстӣ ва эҳтиром ба шаъну шарафи бемор низ аз вазифаҳои муҳими кафедра мебошад.

     Дар раванди таълим ба риояи принсипҳои одоби тиббӣ, деонтология, махфияти маълумоти беморон, муносибати эҳтиромона бо ҳамкорон ва беморон, инчунин масъулият дар қабули қарорҳои тиббӣ диққати махсус дода мешавад.

     Кафедра барои ташаккули ҷаҳонбинии касбӣ, баланд бардоштани ҳисси масъулияти шаҳрвандӣ ва омода намудани мутахассисони дорои фарҳанги баланди муоширати тиббӣ мусоидат менамояд.

             ҲАМКОРИҲОИ КЛИНИКӢ ВА ОМОДАГИИ АМАЛИИ ДОНИШҶӮЁН

     Пойгоҳҳои клиникӣ дар ташаккули малакаҳои амалии донишҷӯён ва пайвастани донишҳои назариявӣ бо фаъолияти воқеии тиббӣ нақши муҳим доранд.Дар ҷараёни машғулиятҳои клиникӣ донишҷӯён бо тартиби муоинаи беморон, ҷамъоварии анамнез, арзёбии нишонаҳои клиникӣ, принсипҳои ташхиси бемориҳои ҷарроҳӣ ва асосҳои расонидани ёрии тиббӣ шинос мешаванд. Ҳамчунин, хусусиятҳои ташхис ва муолиҷаи бемориҳои ҷарроҳии асаб, осебҳои сар ва мағзи сар, ҷароҳатҳои гуногун ва садамаҳои омехта омӯхта мешаванд.

   Омодагии амалии донишҷӯён таҳти роҳнамоии омӯзгорон ва мутахассисони клиникӣ бо риояи талаботи бехатарии беморон, меъёрҳои ахлоқи тиббӣ ва тартиби муқарраргардидаи муассисаҳои тандурустӣ ташкил карда мешавад.Ин раванд ба рушди қобилияти мушоҳида, таҳлили вазъиятҳои клиникӣ, ташаккули малакаҳои касбӣ ва омодагии донишҷӯён ба фаъолияти минбаъдаи тиббӣ мусоидат менамояд.

  ҲАДАФ ВА ДУРНАМОИ РУШДИ КАФЕДРА

            Ҳадафи стратегии кафедраи бемориҳои гӯшу, гулӯ ва бинӣ баланд бардоштани сифати таълим, рушди иқтидори илмӣ, такмили омодагии амалии донишҷӯён ва саҳмгузорӣ дар тайёр намудани мутахассисони соҳибихтисоси соҳаи тандурустӣ мебошад.

Самтҳои афзалиятноки рушди минбаъдаи кафедра инҳоянд:

-такмили пайвастаи барномаҳои таълимӣ ва усулҳои муосири омӯзиш;

-таҳкими ҳамгироии таълим, илм ва таҷрибаи клиникӣ;

-рушди фаъолияти илмӣ-таҳқиқотӣ ва ихтироъкорӣ;

-васеъ намудани иштироки омӯзгорон ва донишҷӯён дар конференсияҳои илмӣ ва байналмилалӣ;

-таҳияи маводи таълимӣ-методӣ ва нашри натиҷаҳои таҳқиқоти илмӣ;

-рушди ҳамкориҳо бо муассисаҳои клиникӣ ва илмии ватаниву хориҷӣ;

-баланд бардоштани сатҳи донишҳои назариявӣ, малакаҳои амалии клиникӣ ва ахлоқи касбии донишҷӯён.

     Кафедра фаъолияти худро ба ташаккули муҳити муосири таълимӣ ва илмӣ, рушди қобилияти касбии донишҷӯён ва омода намудани кадрҳои баландихтисоси тиббӣ равона менамояд. Бо такя ба иқтидори касбии ҳайати омӯзгорон, рушди фаъолияти илмӣ-таҳқиқотӣ ва истифодаи дастовардҳои муосири илми тиб кафедра барои иҷрои вазифаҳои таълимӣ ва саҳмгузорӣ дар рушди низоми тандурустии Ҷумҳурии Тоҷикистон талош менамояд.

Кафедраи бемориҳои гӯшу гулӯ ва бинӣ  — барои дониш, маҳорати касбӣ, рушди илмӣ ва                                          омодасозии насли нави мутахассисони соҳаи тиб

 

 

КОРМАНДОНИ КАФЕДРА

  • Досова Мадина Сайдахмадовна

    Досова Мадина Сайдахмадовна

    Вазифа: мудири кафедра

    Ихтисос: табиби бемориҳои гӯшу гулӯ ва бинӣ

    Тел: +992 900 74 00 08

    Почта: email@mail.com

  • Табарзода Шарифамох

    Табарзода Шарифамох

    Вазифа: ассистенти кафедра

    Ихтисос: табиби бемориҳои гӯшу, гулӯ ва бинӣ

    Тел: +992 918 67 15 59

    Почта: email@mail.com

  • Давлатов Парвиз Акбарович

    Давлатов Парвиз Акбарович

    Вазифа: ассистенти кафедра

    Ихтисос: табиби бемориҳои гӯшу, гулӯ ва бинӣ

    Тел: +992 985 97 97 05

    Почта: email@mail.com

  • Насруллоева Зулхичча Сайфуллоевна

    Насруллоева Зулхичча Сайфуллоевна

    Вазифа: ассистенти кафедра

    Ихтисос: табиби бемориҳои гӯшу, гулӯ ва бинӣ

    Тел: +992 987 63 63 47

    Почта: email@mail.com

Ба рӯйхат