Кафедраи акушерӣ ва гинекологӣ
Азнавкунӣ: 03.11.2026
Орипова Рухшона Шуҳратовна
Вазифа: мудири кафедра
Унвони илмӣ: номзади илмҳои тиб
Ихтисос: акушер-гинеколог
Телефон: +992 008080700
E-mail: rukhshona1707@gmail.com
ТАЪРИХИ КАФЕДРА
Кафедраи акушерӣ ва гинекологӣ, сохтори асосии таълимию илмии ва тарбиявии МТҒ “Донишкадаи тиббӣ-иҷтимоии Тоҷикистон” ба шумор рафта, фаъолияти худро дар самти корҳои таълимию методӣ, илмию таҳсилотӣ, иҷтимоию тарбиявӣ ва робитаҳои байналмилалӣ ба роҳ мондааст. Кафедра тибқи муқаррароти амалкунанда дар асоси фармоиши ректори донишкада № 04-36 аз санаи 27-уми январи соли 2022 таъсис дода шудааст. Тибқи фармоиши мазкур кафедра барномаи таҳсилро дар зинаҳои таҳсилоти олии касбӣ, таҳсилоти касбии баъд аз муассисаҳои олии таълимӣ ва иловагӣ амалӣ менамояд.
Дар асоси фармоиши ректори донишкада №04-369 аз санаи 29 августи соли 2023 то инҷониб вазифаи мудири кафедраро номзади илмҳои тиб Орипова Рухшона Шуҳратовна дар уҳда дорад.
Дар кафедраи акушерӣ ва гинекологӣ аз рӯйи фанҳои акушерӣ ва гинекология бо се забон (тоҷикӣ, русӣ ва англисӣ) таълим дода мешавад. Айни замон, аъзои кафедра фаъолияти гуногунҷанбаро амалӣ менамоянд, ки ба такмили раванди таълимӣ-методӣ, рушди фаъолияти илмӣ ва таҳкими корҳои тарбиявӣ равона гардидааст. Ҳадафи асосии кафедра баланд бардоштани сифати таълими назариявӣ ва машғулиятҳои амалӣ тавассути таҳия ва такмили маводи таълимӣ, дастурҳои методӣ ва воситаҳои таълимӣ аз рӯйи фанҳои тадрисшаванда мебошад. Ин фаъолият барои баланд бардоштани сатҳи донишҳои назариявӣ, ташаккули малакаҳои амалии донишҷӯён ва омода намудани мутахассисони баландихтисос дар соҳаи акушерӣ ва гинекология, бо дарназардошти талаботи муосири тиббӣ ва эҳтиёҷоти ҳамаи факултетҳои дахлдор, равона карда шудааст.
Шароити утоқҳои таълимии кафедраи акушерӣ ва гинекологӣ барои гузаронидани машғулиятҳои назариявӣ ва амалӣ ба талаботи таълимӣ ҷавобгӯ буда, онҳо бо воситаҳои аёнӣ ва маводи зарурии таълимӣ таъмин карда шудаанд. Мавҷудияти чунин шароит ба беҳтар гардидани раванди таълим, баланд бардоштани самаранокии машғулиятҳо ва таҳкими донишҳои назариявию малакаҳои амалии донишҷӯён мусоидат менамояд.
Нақшаи тақвимии машғулиятҳои назариявӣ ва амалӣ аз рӯйи ихтисосҳои кори табобатӣ, стоматология ва психологияи тиббӣ ба се забон тасдиқ карда шуда, саволҳои имтиҳонӣ бо се забон ва тахтаи иттилоотӣ мавҷуд мебошад.
САМТҲОИ АСОСИИ ФАЪОЛИЯТИ КАФЕДРА
-таҳия, тарҷума ва чопи дастурҳо, маҷмӯи таълимӣ методӣ ва китобҳои дарсӣ барои донишҷӯён;
-беҳтар намудани сифати машғулиятҳои таълимӣ бо истифодаи тарзи технологияи таълими муосир;
-иштироки фаъолонаи кормандони кафедра дар чорабиниҳо, ки барои беҳтар намудани сифати тайёр намудани мутахассисон (конфронсу семинарҳо, озмуну машғулиятҳои кушод, ҳафтаҳои фаннӣ, мастер класси касбӣ ва ғ.) мусоидат менамоянд;
-тартиб додани маводҳо тибқи талаботи системаи кредитии таҳсилот, барномаи Силлабус, маҷмӯи таълимӣ методӣ аз фанҳои акушерӣ, гинекология.
-тартиб додани нақшаи дурнамои такмили ихтисоси омӯзгорон;
-ширкати омӯзгорони кафедра дар чорабиниҳои ҷамъиятии МТҒ “Донишкадаи тиббӣ-иҷтимоии Тоҷикистон”;
-баланд бардоштани сифати таълим, малакаҳои амалии донишҷӯён;
-гузаронидани чорабиниҳо оид ба баланд бардоштани савияи дониши донишҷӯён дар соҳаи пешгирии бемориҳо;
-ба амал баровардани тадбирҳои санитарию гигиенӣ ва зиддиэпидемиявӣ оид ба таъмини ёрии тиббӣ, бехатарии фаъолияти тиббӣ, бехатарии кормандон ва беморон, пешгирии пахншавии сироятҳои беморхонаҳо;
-такмил додани шаклу усулхои ташкилии кори кафедра, ки ба баланд бардоштани сифат ва самаранокии раванди ташхису табобат нигаронида шудааст.
ФАЪОЛИЯТИ ТАЪЛИМӢ
Кафедраи акушерӣ ва гинекологӣ тибқи нақшаи таълимӣ вобаста ба фанҳои акушерӣ барои курсҳои 4-уми факултети тиббӣ, гинекология барои курсҳои 5-уми факултети тиббӣ, акушерӣ ва гинекология барои курси 4-уми факултети стоматология, акушерӣ ва гинекология барои курси 5-уми факултети психологияи тиббӣ фаъолияти таълимиро бо 3 забон (тоҷикӣ, русӣ ва англисӣ) ба роҳ мондааст.
Тибқи барномаю нақшаҳои таълимӣ, ки аз тарафи Вазорати маорифи Ҷумҳурии Тоҷикистон тасдиқ шудаааст, таълим бо истифодаи низоми кредитӣ сурат мегирад. Ҷараёни таълим дар шаклҳои зайл сурат мегирад: а) дарсҳои аудиторӣ (лексияҳо), дарсҳои амалӣ (семинарҳо); б) кори мустақилона бо роҳбарии омўзгор; в) назорати сатҳи донишандўзии донишҷўён: тафтиши иҷрои корҳои санҷишӣ; гузаронидани аттестатсияҳои фосилавӣ; гузаронидани санҷишҳои тестӣ (дар шакли хаттӣ ё компютерӣ) аз бобҳои алоҳидаи фанҳои омўхташаванда;
Барои баланд бардоштани сатҳу сифати таълим ва малакаҳои амалии донишҷўён, 1 синфхона дар маркази малакаҳои амали донишкада ҷиҳозонида шудааст бо тамоми таҷҳизотҳои зарурии фанҳои тахассусӣ, аз ҷумла, мулуҳо ва маводҳои акушерӣ ва гинекологӣ.
Дарсҳо асосан дар бинои Маркази клиникӣ, илмӣ-таълимии назди МТҒ “Донишкадаи тиббӣ-иҷтимоии Тоҷикистон” ва ҳамчунин дар муассисаи табобатии ҷумҳурӣ дар маҷмааи табобатии “Истиқлол” ва “Пажӯҳишгоҳи акушерӣ, гинекологӣ ва перинатологии Ҷумҳурии Тоҷикистон” гузаронида мешаванд. Омӯзгорон дар кафедра барои шавқовар гузаронидани машғулият ва ҷалб намудани донишҷӯён ба донишандӯзӣ, аз усулҳои самараноки муосири таълим истифода мебаранд. Барои бештар аз худ намудани маводҳои дарсӣ дар машғулиятҳои амалӣ ва назариявӣ слайдҳои мултимедӣ, видеонаворҳо ва доскаи электронӣ истифода мебаранд. Дар мулӯҳо мавзуъҳои дарсӣ намоиш дода мешаванд. Донишҷӯён низ аз рӯи баннерҳо, мулӯҳо ва узвҳои алоҳида донишандӯзӣ намуда, ба дарсҳо омодагӣ мегиранд.
ФАЪОЛИЯТИ ТАЪЛИМӢ-МЕТОДӢ
Фаъолияти таълимӣ-методии кафедраи акушерӣ ва гинекологӣ ба ташкили раванди таълим, таҳия ва такмили барномаҳои таълимӣ, нақшаҳои дарсӣ, силлабусҳо ва маводи методӣ, омода намудани лексияҳо ва дастурҳои таълимӣ, гузаронидани машғулиятҳои назариявӣ ва амалӣ, омӯзонидани малакаҳои муоинаи акушерӣ ва гинекологӣ, назорати сатҳи дониш ва малакаҳои амалии донишҷӯён, таҳияи саволномаҳо ва тестҳои имтиҳонӣ, ташкили дарсҳои кушод ва семинарҳои таълимӣ-методӣ, роҳнамоии корҳои мустақилонаи донишҷӯён, истифодаи технологияҳои муосири таълимӣ ва ҷорӣ намудани дастовардҳои нави илмӣ ба раванди таълим равона гардидааст. Дар тӯли солҳои фаъолияти кафедра барномаи таълимӣ (силлабусҳо) аз фанни акушерӣ ва гинекологӣ барои донишҷӯёни факултетҳои тиббӣ, стоматологӣ ва психологияи тиббӣ бо забонҳои тоҷикӣ, русӣ ва англисӣ омода карда шудаанд. Барои ҳар як фан 300 тестҳо барои имтиҳони фосилавӣ 150 саволи имтиҳонӣ барои донишҷӯёни факултетҳои дар боло зикршуда, дар кафедра омода шудааст. Аз тарафи омӯзгорони кафедра дар соли таҳсилӣ 2026-2027 маҷмуи таълимӣ - методӣ аз фанҳои акушерӣ ва гинекология бо 3 забон омода шуда истодааст. Ҳадафи асосии ин фаъолият, баланд бардоштани сифати таълим, такмили маҳорати касбии омӯзгорон ва омода намудани мутахассисони соҳибихтисос дар соҳаи акушерӣ ва гинекология мебошад.
ФАЪОЛИЯТИ ИЛМӢ-ТАҲҚИҚОТӢ
Фаъолияти илмӣ дар кафедраи акушерӣ ва гинекологӣ яке аз самтҳои афзалиятноки фаъолияти кафедра буда, ба рушди илми тиб, баланд бардоштани сатҳи донишҳои назариявӣ ва амалии донишҷӯён, инчунин такмили ихтисоси омӯзгорон ва кормандони соҳаи тиб равона гардидааст. Омӯзгорони кафедра дар самти таҳқиқи масъалаҳои мубрами акушерӣ ва гинекология, аз ҷумла пешгирӣ ва табобати оризаҳои ҳомиладорӣ, ташхиси барвақтии бемориҳои гинекологӣ, ҳифзи саломатии репродуктивии занон, мушкилоти безурётӣ, пешгирии хунравиҳои акушерӣ, преэклампсия ва дигар ҳолатҳои патологӣ корҳои илмӣ-таҳқиқотӣ анҷом медиҳанд. Натиҷаҳои фаъолияти илмӣ дар шакли мақолаҳо ва корҳои илмӣ, маърӯзаҳо, дастурҳои таълимӣ-методӣ ва иштирок дар конференсияҳои илмӣ-амалӣ пешниҳод карда мешаванд. Ҳамзамон, дар кафедра ба ҷалби донишҷӯён ба корҳои илмӣ-таҳқиқотӣ таваҷҷуҳи махсус зоҳир гардида, дар назди кафедра маҳфили илмии фаннӣ дар мавзӯи “Фарзанди солим” амал мекунад, ки дар онҳо масъалаҳои мубрами соҳа мавриди омӯзиш ва муҳокима қарор мегиранд. Ҷаласаҳои маҳфили илмии донишҷӯёни кафедра тибқи нақшаи тасдиқгардида ҳар се моҳ як маротиба баргузор мегарданд. Донишҷӯён бо роҳбарии омӯзгорон маърӯзаҳо омода намуда, адабиёти илмиро меомӯзанд, натиҷаҳои таҳқиқотро таҳлил мекунанд ва дар конференсияҳои илмии донишҷӯён иштирок менамоянд. Фаъолияти илмии кафедра ба ҷорӣ намудани дастовардҳои муосири тиббӣ дар раванди таълим ва амалияи клиникӣ ва дар тайёр намудани мутахассисони баландихтисоси соҳаи акушерӣ ва гинекология нақши муҳим мебозад
ФАЪОЛИЯТИ ТАРБИЯВӢ
Корҳои тарбиявӣ дар кафедраи акушерӣ ва гинекологӣ, ки дар заминаи Консепсияи миллии тарбия дар Ҷумҳурии Тоҷикистон роҳандозӣ мегарданд, маҷмӯи чорабиниҳои муназзами ҳадафмандонаро дар бар гирифта, самтҳои асосии ташаккули шахсияти ҳамаҷонибаи донишҷӯён, яъне, тарбияи ватандӯстӣ ва ифтихори миллӣ, таҳкими ахлоқи касбӣ ва деонтологӣ, рушди ҳисси масъулиятшиносӣ, эҳтиром ба арзишҳои умумиинсонӣ ва тарғиби тарзи ҳаёти солимро фаро мегирад. Ин корҳо бо роҳандозии суҳбатҳо ва семинарҳо дар мавзуъҳои ахлоқӣ, ширкат дар аксияҳои хайриявӣ, ташкили клубҳои илмӣ ва маҳфилҳои адабӣ, инчунин иштирок дар чорабиниҳои фарҳангӣ-маърифатӣ амалӣ гардида, ҳадаф аз он омода намудани мутахассисони баландихтисос ва содиқ ба Ватан мебошад. Кафедра ҳамчунин кӯшиш ба харҷ медиҳад, ки дар байни донишҷӯён рӯҳияи ватандӯстӣ, ифтихор аз таърихи пурғановати миллат ва эҳтиром ба арзишҳои фарҳангии тоҷиконро тақвият бахшад, то ки онҳо дар оянда ҳамчун духтурони бомаърифат ва инсонпарвар ба халқи худ хизмат намоянд.
Корҳои тарбиявӣ дар тадбиқи иҷрои муқаррароти қонунҳои Ҷумҳурии Тоҷикистон: «Дар бораи масъулият дар таълиму тарбияи кӯдак», «Дар бораи танзими анъана ва ҷашну маросим дар Ҷумҳурии Тоҷикистон» гузаронида мешаванд. Ҳамзамон дар гурӯҳҳои дарсӣ, омӯзгорон бо донишҷӯён оид ба тарғибу ташвиқи муборизаи беамон ба муқобили терроризм ва экстремизм, ифротгароӣ ва дигар зуҳуроти номатлуб, пешгирӣ намудани шомилшавии ҷавонон ба гурӯҳҳои ифротгароӣ корҳои ташвиқотӣ сӯҳбат гузаронида мешаванд.
ҶОЙГИРШАВИИ КАФЕДРА
Кафедраи акушерӣ ва гинекологӣ дар ошёнаи 5-ум ва зербинои “Маркази клиникӣ, илмӣ-таълимӣ”-и назди МТҒ “Донишкадаи тиббӣ – иҷтимоии Тоҷикистон” ҷой гирифта, аз 4 синфхонаи дарсӣ, бо ҳамаи лавозимотҳои зарурӣ барои донишҷӯён ҷиҳозонидашуда иборат мебошад.
Тамос: Кафедраи акушерӣ ва гинекологӣ, воқеъ дар “Маркази клиникӣ илмӣ-амалӣ” назди МТҒ “Донишкадаи тиббӣ-иҷтимоии Тоҷикистон” ш.Душанбе, к.Клара Сеткина 2.
.
Орипова Рухшона
Вазифа: мудири кафедра
Унвони илмӣ: номзади илмҳои тиб
Ихтисос:акушер-гинеколог
Телефон: +992 008080700
E-mail: rukhshona1707@gmail.com
Моҳд Ҳанифа
Шукуровна
Вазифа: ассистент
Ихтисос: акушер-гинеколог
Teл:+992103030070
E-mail: fotimaazimova8@gmail.com
Миршарифова Дилафрӯз
Нурмаҳмадовна
Вазифа: ассистент
Ихтисос: акушер-гинеколог
Teл:+992 005 05 72 84
E-mail: dilafruz0110@mail.ru
Умарова Таҳмина
Вазифа: аcсистент
Унвон илмӣ: унвонҷӯ
Ихтисос: акушер-гинеколог
E-mail:Umarova_t@mail.ru
Teл:+992 888 83 38 62
Абдуфатоҳзода Гулҷаҳон
Вазифа:дотсент
Унвони илмӣ: номзади илмҳои тиб
Ихтисос:акушер-гинеколог
E-mail: tumanova65@mail.ru
Маҳмадҷонова Манижа
Вазифа: ассистент
Унвони илмӣ: номзади илмҳои тиб
Ихтисос: акушер-гинеколог
E-mail: maniw03@gmail.com
Исмоилова Суман
Шерхоновна
Вазифа: ассистент
Ихтисос: акушер-гинеколог
E-mail: ismoilovasuman30@gmail.com
Акрамӣ Паричеҳра
Вазифа: ассистент
Ихтисос: акушер-гинеколог
E-mail: aparichehra@gmail.com
Хайриддинзода Фариза Хайриддин
Вазифа: ассистент
Ихтисос: акушер-гинеколог
E-mail: F.Khairiddinzoda1003@gmail.com
Руйхати ҳуҷҷатҳо
Низомномаи маҳфили илмии фаннӣ
Дастурамали вазифаваии мудири кафедра
Дастурамали вазифавии профессори кафедра
Дастурамали вазифавии дотсенти кафедра
Дастурамали вазифавии муаллими калони кафедра