Факултети тиббӣ


Таърихи азнавсозӣ: 05.11.2026

 

Ризоева Гулнора Икромовна

Ризоева Гулнора Икромовна

Вазифа: Декани факултети тиббӣ

Унвони илмӣ: н.и.ф., дотсент

Фаъолияти илмӣ ва дастовардҳо:

  • Аълочии тандурустии Ҷумҳурии Тоҷикистон (соли 2016).
  • Аълочии матбуотии Ҷумҳурии Тоҷикистон (соли 2019).
  • Аълочии маориф ва илми Ҷумҳурии Тоҷикистон (соли 2020).
  • Аълочии иттифоқи касабаи кормандони тандурустӣ ва ҳифзи иҷтимоии Тоҷикистон (соли 2022)
  • Муаллифи 2 монография, 6 барномаи таълимӣ, 6 дастури таълимӣ- методӣ ва зиёда аз 38 мақолаҳои илмӣ.

Телефон: +992 918786455

E-mail: gulnorarizoeva528@gmail.com

ФАКУЛТЕТИ ТИББӢ

            Факултети тиббии Муассисаи таълимии ғайридавлатии «Донишкадаи тиббӣ-иҷтимоии Тоҷикистон» яке аз воҳидҳои асосии сохтории таълимии муассиса буда, фаъолияти он ба омодасозии мутахассисони дорои таҳсилоти олии тиббӣ, пеш аз ҳама табибони оянда аз рӯйи ихтисоси кори табобатӣ, равона гардидааст. Фаъолияти факултет ба ташаккули донишҳои мукаммали назариявӣ, аз худ намудани малакаҳои амалии тиббӣ, рушди тафаккури клиникӣ ва ташаккули салоҳиятҳои касбии донишҷӯён мутобиқ ба талаботи муосири соҳаи тандурустӣ нигаронида шудааст. Раванди таълим дар факултет дар асоси нақшаю барномаҳои таълимӣ, стандартҳои давлатии таҳсилоти олии касбӣ ва талаботи соҳавии омодасозии кадрҳои тиббӣ ба роҳ монда мешавад. Дар ин замина, ба ҳамгироии донишҳои бунёдии тиббӣ, омӯзиши фанҳои клиникӣ, ташаккули малакаҳои ташхисӣ, табобатӣ ва пешгирикунанда, инчунин риояи принсипҳои ахлоқи тиббӣ ва деонтологияи касбӣ таваҷҷуҳи махсус зоҳир мегардад. Дар давраи фаъолияти факултет раванди ташаккул ва рушди шумораи умумии донишҷӯён тамоюли устувори афзоишро нишон додааст. Агар дар соли таҳсили 2020–2021 шумораи умумии донишҷӯён 166 нафарро ташкил дода бошад, пас дар соли таҳсили 2026–2027 ин нишондиҳанда ба 1983 нафар расидааст. Афзоиши мазкур асосан ба рушди ихтисоси кори табобатӣ алоқаманд буда, аз густариши фаъолияти таълимӣ, зиёд гардидани таваҷҷуҳи довталабон ба таҳсилоти олии тиббӣ ва афзоиши иқтидори муассиса дар самти омодасозии мутахассисони соҳаи тандурустӣ шаҳодат медиҳад.

            Яке аз самтҳои муҳимми фаъолияти факултет рушди ҳамкориҳои байналмилалӣ ва ҷалби шаҳрвандони хориҷӣ ба таҳсил мебошад. Дар айни замон, дар факултет 406 нафар донишҷӯёни хориҷӣ аз 8 давлати ҷаҳон таҳсил менамоянд. Аз ҷумла, 374 нафар шаҳрвандони Ҷумҳурии Ҳиндустон, 26 нафар шаҳрвандони Ҷумҳурии Нигерия ва 6 нафар донишҷӯён аз Ҷумҳурии Малавӣ, Ҷумҳурии Филиппин, Ҷумҳурии Халқии Бангладеш, Ҷумҳурии Судон, Ҷумҳурии Муттаҳидаи Танзания ва Подшоҳии Арабистони Саудӣ (аз ҳар кишвар 1 нафар) мебошанд. Фарогирии донишҷӯён аз кишварҳои гуногун аз густариши ҷуғрофияи байналмилалии фаъолияти таълимии муассиса ва ҷалб гардидани довталабони хориҷӣ ба барномаҳои таҳсилоти тиббӣ шаҳодат медиҳад. Ҳузури донишҷӯёни миллату фарҳангҳои гуногун барои ташаккули муҳити байналмилалии таълимӣ, табодули таҷрибаи академӣ, рушди муносибатҳои байнифарҳангӣ ва таҳкими ҳамкориҳои байналмилалӣ дар соҳаи таҳсилоти тиббӣ замина фароҳам меорад.

            Таҳсил аз рӯйи ихтисоси кори табобатӣ дар шакли рӯзона ба роҳ монда шуда, муҳлати таҳсил 6 солро ташкил медиҳад. Мазмун ва сохтори барномаи таълимӣ бо дарназардошти марҳилаҳои пайдарпайи ташаккули донишҳои тиббӣ, аз омӯзиши фанҳои бунёдӣ то азхуд намудани фанҳои тахассусии клиникӣ, таҳия ва амалӣ карда мешавад. Дар марҳилаи ибтидоии таҳсил донишҷӯён фанҳои бунёдӣ ва тиббӣ-биологиро аз худ менамоянд. Ба ин гурӯҳи фанҳо анатомияи одам, гистология, физиологияи нормалӣ ва патологӣ, химияи биологӣ, биология, химия ва физикаи тиббӣ дохил мешаванд. Омӯзиши фанҳои мазкур барои дарки сохтор ва фаъолияти организми инсон, хусусиятҳои равандҳои физиологӣ ва патофизиологӣ, инчунин фаҳмиши асосҳои пайдоиш ва инкишофи бемориҳо заминаи илмӣ фароҳам меорад. Дар марҳилаҳои минбаъдаи таҳсил таваҷҷуҳи асосӣ ба омӯзиши фанҳои клиникӣ ва тахассусии тиббӣ равона карда мешавад. Аз ҷумла, донишҷӯён бемориҳои дарунӣ, бемориҳои ҷарроҳӣ, бемориҳои кӯдакона, акушерӣ ва гинекологӣ, асабшиносӣ, бемориҳои сироятӣ, офталмология, онкология, урология, оториноларингология, фтизиопулмонология, травматология ва дигар самтҳои тиббиро меомӯзанд. Омӯзиши фанҳои клиникӣ ба ташаккули малакаҳои касбии донишҷӯён дар самтҳои ҷамъоварии анамнез, арзёбии ҳолати бемор, гузаронидани муоинаи клиникӣ, таҳлили натиҷаҳои ташхисҳои лабораторӣ ва инструменталӣ, муайян намудани ташхиси пешакӣ ва интихоби усулҳои мувофиқи табобату пешгирии бемориҳо мусоидат менамояд. Дар раванди омодасозии мутахассисони ояндаи тиббӣ ба ташкили машғулиятҳои амалӣ, омӯзиши ҳолатҳои клиникӣ ва робитаи донишҳои назариявӣ бо фаъолияти амалии тиббӣ аҳаммияти махсус дода мешавад. Ин равиш барои ташаккули тафаккури клиникӣ, масъулияти касбӣ ва қобилияти қабули қарорҳои асоснок дар фаъолияти минбаъдаи табибон мусоидат мекунад. Пас аз анҷоми курси шашум донишҷӯён тибқи тартиби муқарраргардида аз аттестатсияи хатм мегузаранд. Ба хатмкунандагоне, ки нақша ва барномаи таълимиро пурра иҷро намуда, талаботи аттестатсияи давлатиро бомуваффақият иҷро менамоянд, ҳуҷҷати намунаи муқарраргардидаи таҳсилоти олии касбӣ аз рӯйи ихтисоси «Кори табобатӣ» дода мешавад.

            Яке аз самтҳои афзалиятноки фаъолияти факултети тиббӣ ба ҳамгироии раванди таълим бо фаъолияти илмӣ-таҳқиқотӣ ва ҷалби донишҷӯён ба омӯзиши масъалаҳои мубрами илми тиб равона гардидааст. Бо мақсади ташаккули ҷаҳонбинии илмӣ, рушди қобилияти таҳлилӣ ва баланд бардоштани сатҳи омодагии касбии донишҷӯён, аз солҳои аввали таҳсил барои иштироки онҳо дар фаъолияти илмӣ-таҳқиқотӣ шароити зарурӣ фароҳам оварда шудааст. Донишҷӯён метавонанд дар доираи Ҷамъияти илмии донишҷӯён (ҶИД) ба омӯзиш ва таҳқиқи масъалаҳои мубрами соҳаи тиб, аз ҷумла бемориҳои паҳншуда, усулҳои муосири ташхис, табобат ва пешгирии бемориҳо, инчунин масъалаҳои беҳтар намудани сифати хизматрасонии тиббӣ машғул гарданд. Иштирок дар маҳфилҳои илмӣ, омода намудани маърузаҳо, таҳияи мақолаҳои илмӣ, иштирок дар конференсияҳо ва семинарҳои илмӣ-амалӣ барои рушди малакаҳои таҳқиқотӣ, кор бо адабиёти соҳавӣ, таҳлили маълумоти илмӣ ва ташаккули тафаккури интиқодии донишҷӯён мусоидат менамояд. Ҳамин тариқ, фаъолияти илмӣ-таҳқиқотӣ дар факултет ҳамчун ҷузъи муҳимми омодасозии кадрҳои тиббӣ арзёбӣ гардида, барои ташаккули мутахассисони дорои ҷаҳонбинии илмӣ, малакаҳои таҳлилӣ ва қобилияти истифодаи донишҳои муосири тиббӣ дар фаъолияти касбӣ замина мегузорад.

            Аз рӯзи таъсисёбии факултети тиббӣ то 10 январи соли 2021 роҳбарии онро Талабов Одина Давлатович ба уҳда доштанд. Дар давраи роҳбарии ӯ факултет марҳилаҳои муҳими ташаккул ва рушди худро паси сар намуда, дар самти омодасозии мутахассисони соҳаи тиб фаъолияти назаррасро ба роҳ монд.

Аз моҳи январи соли 2021 роҳбарии факултетро номзади илмҳои филологӣ, дотсент Ризоева Гулнора Икромовна ба зимма доранд. Дар давраи роҳбарии ӯ фаъолияти факултет дар самти такмили раванди таълиму тарбия, баланд бардоштани сифати таҳсилот, таҳкими интизоми таълимӣ ва беҳтар намудани фаъолияти ташкилию методӣ идома дорад.

            Айни замон дар ҳайати роҳбарият ва сохтори маъмурии факултети тиббӣ се нафар фаъолият намуда, ҳар кадоми онҳо дар доираи вазифаҳои хизматии худ барои таъмини фаъолияти мунтазам, рушди таълимӣ ва ташкилии факултет саҳми арзанда мегузоранд.

  1. Декани факултети тиббӣ — Ризоева Гулнора Икромовна

            Номзади илмҳои филологӣ, дотсент Ризоева Гулнора Икромовна декани факултети тиббӣ буда, роҳбарии умумии фаъолияти таълимӣ, илмӣ, тарбиявӣ ва ташкилии факултетро ба зимма доранд. Фаъолияти асосии декан ба ташкили дурусти раванди таълим, назорати иҷрои нақшаю барномаҳои таълимӣ, баланд бардоштани сифати донишандӯзии донишҷӯён ва таъмини риояи талаботи санадҳои меъёрии соҳаи маориф равона гардидааст. Ҳамзамон, декан фаъолияти омӯзгорон, кормандони маъмурӣ ва дигар сохторҳои марбут ба факултетро ҳамоҳанг намуда, барои фароҳам овардани шароити мусоиди таълимӣ, таҳкими интизоми донишҷӯён, баланд бардоштани сатҳи масъулиятшиносӣ ва тарбияи мутахассисони соҳибкасб тадбирҳои зарурӣ меандешанд.Дар доираи фаъолияти роҳбарӣ инчунин масъалаҳои марбут ба пешрафти таълимӣ, иштироки донишҷӯён дар корҳои илмӣ-тадқиқотӣ, баргузории чорабиниҳои илмӣ, фарҳангӣ ва тарбиявӣ мавриди таваҷҷуҳи доимӣ қарор доранд.

  1. Коргузори факултети тиббӣ — Шукурзода Умеди Ворис

            Коргузори факултет яке аз кормандони масъули сохтори маъмурию таълимии факултет буда, фаъолияти худро таҳти роҳбарии бевоситаи декани факултет ва дар ҳамкорӣ бо муовини декан оид ба таълим (мушовири академӣ) амалӣ менамояд. Фаъолияти коргузории факултети тиббӣ яке аз самтҳои муҳимми таъмини фаъолияти муназзами таълимӣ, ташкилию маъмурӣ ва ҳуҷҷатгузории факултет ба ҳисоб меравад. Коргузории факултет дар ҳамоҳангӣ бо садорати факултет, кафедраҳо, омӯзгорон, кормандони сохторҳои дахлдори донишкада ва дигар воҳидҳои сохторӣ амалӣ гардида, ба таъмини самаранокии раванди таълим ва иҷрои саривақтии вазифаҳои вобаста ба фаъолияти факултет равона карда шудааст.

            Самтҳои асосии фаъолияти коргузори факултет аз инҳо иборатанд:

  • ташкили дуруст ва муназзами ҳуҷҷатгузории раванди таълим;
  • ҳамоҳангсозии масъалаҳои ташкилию маъмурии фаъолияти факултет;
  • таъмини гардиши саривақтӣ ва дурусти ҳуҷҷатҳои таълимӣ;
  • ҳамкорӣ бо кафедраҳо, омӯзгорон ва дигар сохторҳои донишкада;
  • мусоидат ба ташкили раванди таълим мутобиқи нақшаҳои таълимӣ;
  • назорати ҳуҷҷатгузории давомоти донишҷӯён ва натиҷаҳои азхудкунии барномаҳои таълимӣ; омода намудани маълумот, ҳисобот ва ҳуҷҷатҳои зарурӣ барои роҳбарияти факултет.
  1. Эдвайзери факултети тиббӣ — Мамадумаров Шаҳбоз Абдуҷалилович

            Мамадумаров Шаҳбоз Абдуҷалилович дар вазифаи эдвайзери факултети тиббӣ фаъолият намуда, самти асосии кори ӯ ба дастгирии таълимӣ, машваратдиҳӣ ва ҳамоҳангсозии фаъолияти донишҷӯён равона гардидааст. Эдвайзер дар раванди таълим ҳамчун шахси масъул барои роҳнамоӣ ва дастгирии донишҷӯён баромад намуда, ба онҳо ҷиҳати дуруст интихоб намудани фанҳои таълимӣ, ташаккули нақшаи инфиродии таҳсил ва истифодаи самараноки низоми кредитии таҳсилот ёрии методӣ мерасонад. Яке аз самтҳои муҳими фаъолияти ӯ назорати раванди таҳсили донишҷӯён, муайян намудани мушкилоти таълимӣ, пайгирии қарзҳои академӣ ва андешидани чораҳои зарурӣ ҷиҳати пешгирии қафомонӣ дар таҳсил мебошад. Ҳамзамон, эдвайзер бо декани факултет, коргузор, омӯзгорон ва дигар сохторҳои дахлдори муассисаи таълимӣ ҳамкории доимӣ дошта, масъалаҳои вобаста ба иштироки донишҷӯён дар дарсҳо, азхудкунии барномаҳои таълимӣ, риояи интизоми дохилӣ ва баланд бардоштани масъулияти донишҷӯёнро пайгирӣ менамояд. Инчунин, дар ҳалли мушкилоти таълимӣ ва иҷтимоии донишҷӯён, гузаронидани суҳбату вохӯриҳои фаҳмондадиҳӣ ва ташкили чорабиниҳои таълимию тарбиявӣ иштирок мекунад.

            Ҳамин тариқ, фаъолияти муштараки декани факултет, коргузор ва эдвайзер барои таъмини фаъолияти самараноки факултети тиббӣ, таҳкими низоми идоракунӣ, баланд бардоштани сифати таълим ва омода намудани мутахассисони баландихтисоси соҳаи тандурустӣ заминаи муҳим фароҳам меорад.

            Садорати факултети тиббӣ ҳамчун воҳиди муҳимми сохтории низоми идоракунии муассисаи таҳсилоти олии касбӣ фаъолияти худро дар асоси санадҳои меъёрии ҳуқуқии соҳаи маориф ва тандурустӣ, оиннома ва низомномаҳои дохилии муассиса ба роҳ мемонад.

            Самтҳои асосии фаъолияти садорати факултет банақшагирӣ, ташкил, ҳамоҳангсозӣ ва назорати раванди таълим, фаъолияти илмӣ-таҳқиқотӣ, корҳои тарбиявӣ ва таълимӣ-методӣ мебошад. Дар ин замина, садорати факултет иҷрои нақшаҳои таълимӣ, барномаҳои фаннӣ, ҷадвали машғулиятҳо, раванди имтиҳонсупорӣ ва аттестатсияи донишҷӯёнро ҳамоҳанг намуда, барои таъмини мунтазамӣ ва самаранокии фаъолияти таълимӣ тадбирҳои зарурӣ меандешад. Яке аз вазифаҳои муҳимми садорати факултет мониторинги сифати таълим, сатҳи азхудкунии донишҳои назариявӣ ва малакаҳои амалии донишҷӯён, риояи интизоми таълимӣ ва назорати фаъолияти таълимӣ-методии кафедраҳо мебошад. Ҳамзамон, ба масъалаҳои баланд бардоштани сифати таълими фанҳои клиникӣ, такмили усулҳои омӯзиши малакаҳои амалӣ, истифодаи технологияҳои муосири таълим ва рушди фаъолияти илмии донишҷӯён таваҷҷуҳи махсус зоҳир карда мешавад. Садорати факултет, инчунин ҳамкории байни кафедраҳо, робитаҳои дохилимуассисавӣ ва байналмилалӣ, иштироки омӯзгорону донишҷӯёнро дар чорабиниҳои илмӣ ва таълимӣ ҳамоҳанг намуда, барои беҳтар намудани муҳити таълимӣ ва баланд бардоштани сифати омодасозии кадрҳои тиббӣ мусоидат менамояд.

            Факултети тиббӣ дар самти баланд бардоштани сифати таҳсилот, такмили барномаҳои таълимӣ ва мутобиқ намудани раванди омодасозии мутахассисон ба талаботи муосири соҳаи тандурустӣ тадбирҳои пайвастаро амалӣ менамояд. Дар ин раванд ба такмили мазмуну муҳтавои фанҳои клиникӣ, рушди заминаи таълимию амалии тиббӣ, баланд бардоштани сатҳи омодагии касбии омӯзгорон ва ташаккули малакаҳои амалии донишҷӯён аҳаммияти махсус дода мешавад. Яке аз дастовардҳои муҳимми факултет дар самти таъмини сифати таҳсилоти тиббӣ ва рушди ҳамкориҳои байналмилалӣ аз аккредитатсияи байналмилалӣ гузаштани барномаи таълимии ихтисоси кори табобатӣ дар соли 2024 мебошад. Аккредитатсияи мазкур аз ҷониби Агентии мустақили аккредитатсия ва рейтингии Ҷумҳурии Қазоқистон гузаронида шудааст. Гузаштани аккредитатсияи байналмилалӣ марҳилаи муҳим дар раванди арзёбии сифати барномаи таълимӣ, фаъолияти таълимӣ-методӣ ва низоми таъмини сифати таҳсилоти факултет ба ҳисоб меравад. Дар доираи чунин арзёбӣ мутобиқати барномаи таълимӣ ба меъёрҳои дахлдори аккредитатсионӣ, муҳтавои таълим, ташкили раванди омодасозии мутахассисон ва шароити таълимӣ мавриди баррасӣ қарор мегиранд. Ин дастовард барои рушди минбаъдаи низоми таъмини сифати таҳсилот, такмили барномаи таълимии ихтисоси кори табобатӣ, таҳкими эътимоди байналмилалӣ ва густариши ҳамкориҳои академӣ дар соҳаи таҳсилоти олии тиббӣ замина фароҳам меорад. Ҳамин тариқ, аккредитатсияи байналмилалӣ яке аз нишондиҳандаҳои муҳимми фаъолияти факултет дар самти такмили мунтазами сифати таҳсилоти тиббӣ ва мутобиқсозии раванди омодасозии табибони оянда ба талаботи муосири соҳаи тандурустӣ мебошад.

            Дар сохтори факултети тиббии Муассисаи таълимии ғайридавлатии «Донишкадаи тиббӣ-иҷтимоии Тоҷикистон» 15 кафедра фаъолият менамояд, ки ҳар кадоми онҳо дар татбиқи барномаҳои таълимӣ, омӯзиши фанҳои бунёдӣ ва клиникӣ, ташаккули малакаҳои касбии донишҷӯён ва рушди фаъолияти илмӣ-таҳқиқотӣ саҳми муайян мегузоранд. Кафедраҳои факултет фаъолияти таълимӣ ва илмӣ-методии худро дар асоси нақшаҳои корӣ, барномаҳои таълимӣ ва талаботи омодасозии мутахассисони соҳаи тиб ба роҳ монда, барои ташаккули донишҳои назариявӣ ва малакаҳои амалии донишҷӯён масъул мебошанд.

Номгӯи кафедраҳои факултети тиббӣ:

  1. Кафедраи физиологияи нормалӣ ва патологӣ
  2. Кафедраи бемориҳои кӯдакона
  3. Кафедраи акушерӣ ва гинекологӣ
  4. Кафедраи анатомияи одам ва истилоҳи тиббии лотинӣ
  5. Кафедраи бемориҳои ҷарроҳӣ
  6. Кафедраи тибби оилавӣ
  7. Кафедраи бемориҳои дарунӣ бо курси кардиологияи клиникӣ
  8. Кафедраи гистология
  9. Кафедраи бемориҳои гӯш, гулӯ ва бинӣ
  10. Кафедраи онкология ва ташхиси шуоӣ
  11. Кафедраи ҷарроҳии кӯдакона, анатомияи топографӣ ва амалияи ҷарроҳӣ
  12. Кафедраи анатомияи патологӣ ва тибби судӣ
  13. Кафедраи урология бо курси анестезиология
  14. Кафедраи ҷарроҳии асаб бо курси садамаҳои омехта
  15. Кафедраи травматология ва ортопедия бо ҷарроҳи ҳарбӣ-саҳроӣ

            Кафедраҳои номбаршуда бо дарназардошти самти тахассусии худ дар таълими фанҳои тиббӣ, гузаронидани машғулиятҳои назариявию амалӣ, ташкили фаъолияти илмӣ-таҳқиқотӣ ва такмили малакаҳои клиникии донишҷӯён нақши муҳим доранд. Ҳамкории мунтазами кафедраҳо бо факултет барои таъмини пайдарҳамӣ ва муттасилии раванди таълим, ҳамоҳангсозии фаъолияти таълимӣ-методӣ ва баланд бардоштани сифати омодасозии мутахассисони ояндаи соҳаи тандурустӣ мусоидат менамояд.

            Факултети тиббӣ рушди минбаъдаи фаъолияти худро ба такмили сифати таҳсилоти тиббӣ, таҳкими заминаи таълимӣ ва клиникӣ, густариши фаъолияти илмӣ-таҳқиқотӣ ва рушди ҳамкориҳои байналмилалӣ равона менамояд. Ҳадафи асосии фаъолияти факултет омода намудани мутахассисони соҳаи тиб мебошад, ки дорои донишҳои муосири тиббӣ, малакаҳои зарурии ташхисӣ ва табобатӣ, масъулияти баланди касбӣ, риояи меъёрҳои ахлоқи тиббӣ ва қобилияти истифодаи дастовардҳои илми муосир дар фаъолияти амалии табобатию пешгирикунанда бошанд. Бо дарназардошти афзоиши шумораи донишҷӯён, ҷалби шаҳрвандони хориҷӣ, рушди сохтори кафедравӣ ва аз аккредитатсияи байналмилалӣ гузаштани ихтисоси кори табобатӣ ва факултети тиббӣ дар самти такмили низоми омодасозии кадрҳои баландихтисоси тиббӣ ва саҳмгузорӣ дар рушди соҳаи тандурустии Ҷумҳурии Тоҷикистон фаъолияти худро идома медиҳад.

Рисолати барномаи таълимии ихтисоси  кори табобатӣ

         Рисолати барномаи таълимии ихтисоси кори табобатӣ - пешниҳоди босифати таълимии асосии тиббӣ барои омода намудани мутахассисони баландихтисос, табибони босалоҳият, омӯзиши пайваста дар тӯли ҳаёт, ки дар асоси принсипҳои таълимии касбӣ, пайваста барои ҳалли проблемаҳои ҳифзи саломатӣ ва беҳтар намудани сифати зиндагии аҳолии мамлакат, инчунин қодир аст, ки дар инкишофи илми тиб ва нигаҳдории тандурустӣ, ҳифз ва афзун гардондани комёбиҳои донишкадаҳои олии тиббии ватанӣ ҳисса гузорад.

         Рисолати барномаи таълимӣ аз рӯи ихтисоси кори табобатӣ рисолати асосии донишкадаро инъикос мекунад:

  • омода намудани кадрҳои баландихтисос рақобатпазир ва ҷавобгӯ ба талаботи бозори меҳнати дохилӣ ва байналмиллалӣ  дар зинаи таҳсилоти то дипломӣ ва идомаи таҳсил дар зинаи баъдидипломӣ барои хатмкунандагони факултети тиббӣ;
  • дар сатҳи пешаздипломӣ – ин тайёр намудани духтур аз рўи ихтисоси кори табобатӣ, ки метавонад дар муассисаҳои ёрии аввалияи тиббию санитарӣ кӯмаки тахассусӣ расонад;
  • қобилияти такмили минбаъда дар зинаи баъдидипломӣ ;
  • идома додани таҳсил  дар тӯли ҳаёт;
  • беҳтар намудани саломатии аҳолӣ
  • омодагӣ ба шароити тағйирёбандаи системаи тандурустӣ дар  сатҳи давлат ва ҷомеаи ҷаҳонӣ

Сиёсати факултети тиббӣ  ихтисоси кори табобатӣ дар соҳаи соҳаи сифат

          Сиёсати  факултети тиббӣ ихтисоси кори табобатӣ ба таъмин кардани хатмкунандагони рақобатпазир дар бозори миллӣ ва ҷаҳонии хизматрасонии таҳсилотӣ, ба даст овардани мақсадҳои стратегии факултет ва беҳтар сохтани сифати хизматрасониҳои таълимӣ, илмӣ ва тиббӣ равона карда шудааст.

  • Пешниҳоди таҳсилоти тиббии дорои заминаи миллӣ ва эътирофи ҷаҳонӣ баҳри омодасозии кадрҳои салоҳиятнок ва мусоидат ба рушди фаъолияти илмӣ дар соҳаи тандурустӣ.
  • Таъмини адолат дар дастрасӣ ва иштироки баробар дар ҳама зинаҳои таҳсилот барои ҳамаи табақаҳои аҳолӣ дар тамоми тӯлӣ ҳаёт.
  • Қонеъ гардонидани талаботи шахс дар самти рушди қобилияти зеҳни фарҳангӣ   ва аҳлоқӣ тавассути гирифтани таҳсилоти олии касбӣ ва таҳсилоти касбии баъд азмуассисаҳои олии таълимӣ дар соҳаи интихобкардаи фаъолияти касбӣ.
  • Қонеъ гардонидани талаботи ҷомеа ва давлат ва мутахассисони баландихтисоси соҳаи тиб.
  • Таҳия ва тадбиқи дастоваврдҳои навтарини илм усулҳои нави ташхис ва табобат аз ҷониби табибони донишкада.
  • Ҳифз ва арзишҳои аҳлоқӣ,ватандустӣ,фарҳангӣ ва илмии донишҷӯён.
  • Пайваста баланд бардоштани салоҳиятнокии касбии кормандони илмӣ-педагогӣ бо роҳи ворид карадни шаклҳои муосир ва усулҳои тайёр кардани онҳо (такмили ихтисос, истифодаи технологияҳои навини педагогӣ дар раванди таълим);
  • Таъсис комплексҳои илмӣ-таълимӣ ва клиникӣ барои такмил додани раванди таълим ва баланд бардоштани потенсиали илмӣ;
  • Рушди инфрасохтор ва базаи моддӣ-техникии донишкада
  • Ташкил додани системаи менеҷменти сифат ва баланд бардоштани самаранокии идоракунии донишкада.
  •  Дар сатҳи байналмиллалӣ мувофиқ намудани нақша ва барномаҳои таълимӣ
  • Дар татбиқи Сиёсат дар соҳаи сифат ҳар як корманди донишкада иштирок мекунад ва дар доираи салоҳиятҳои худ масъулиятнок аст.

    БАРНОМАИ ТАЪЛИМӢ АЗ РӮЙИ ИХТИСОСИ КОРИ ТАБОБАТӢ

    Номгӯи ихтисос кори табобатӣ

    Рамзи ихтисос 1-79-01-01

    Мӯҳлати таҳсил 6 сол

    Тариқи таҳсил рӯзона

    Забони таҳсил тоҷикӣ, русӣ, англисӣ

    Тахассус табиб

    Суроға: ш. Душанбе,  н. Сино, куч. К.Сеткина 2, бинои асосии Муассисаи таълимии ғайридавлатии «Донишкадаи тиббӣ-иҷтимоии Тоҷикистон»

    Телефон: (+992) 918786455

    E-mail:gulnorarizoeva528@gmail.com

 

 

РУЙХАТИ ҲУҶҶАТҲО

Ба рӯйхат