Маҳфили фаннии «Набзи сайёра»
Дар доираи фаъолияти илмӣ-таълимии кафедраи бемориҳои дарунӣ, маҳфили навбатии фаннӣ таҳти унвони «Набзи сайёра» дар фазои илмӣ ва мубодилаи афкори созанда баргузор гардид. Маҳфил бо иштироки омӯзгорони соҳибтаҷриба ва донишҷӯёни фаъоли соҳаи тиб доир шуда, ба таҳкими донишҳои назариявӣ ва рушди малакаҳои амалӣ равона гардид.
Зимни баргузории маҳфил, масъалаҳои мубрами тибби муосир, аз ҷумла ташхис ва муолиҷаи бемориҳои дарунӣ, нақши табиб дар ҷомеаи муосир ва аҳамияти омӯзиши пайвастаи илмӣ мавриди баррасӣ қарор гирифтанд. Баромадҳои иштирокчиён бо далелҳои илмӣ ва таҳлилҳои амиқ фарқ намуда, муҳити илмиро ғанӣ гардониданд.
Таъкид гардид, ки тарбияи мутахассисони баландихтисоси соҳаи тиб аз масъулияти бузурги омӯзгорон ва саъю кӯшиши пайвастаи донишҷӯён вобастагӣ дорад. Омӯзгор ҳамчун роҳнамо ва ташаккулдиҳандаи ҷаҳонбинии касбии донишҷӯён, дар омода намудани пизишкони оянда нақши калидӣ мебозад. Маҳз тавассути ҳамгироии донишҳои назариявӣ ва таҷрибаи амалӣ, донишҷӯён метавонанд ҳамчун табибони соҳибкасб ва масъулиятшинос ба камол расанд.
Қайд гардид, ки пизишки оянда бояд на танҳо дорои дониши амиқи касбӣ, балки соҳиби ахлоқи баланд, ҳисси масъулият ва инсондӯстӣ бошад. Зеро рисолати табиб – ҳифзи саломатии инсон ва хизмат ба ҷомеа мебошад.