Рӯзи 14 майи соли ҷорӣ 2-юмин Озмуни ҷумҳуриявии донишҷӯёни МТОК-и ҶТ барои дарёфти "Ҷоми раёсати Донишгоҳи байналмилалии сайёҳӣ ва соҳибкории Тоҷикистон " ҷамъбаст гардид.

  Ёдовар мешавем, ки 2-юмин Озмуни ҷумҳуриявии донишҷӯёни МТОК ҶТ барои дарёфти "Ҷоми раёсати ДБССТ" дар доираи Нақшаи чорабиниҳои "Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф" аз рӯйи фанҳои математика (тахассусӣ, ғайритахассусӣ), технологияҳои иттилоотӣ (тахассусӣ, ғайритахассусӣ) ва географияи иқтисодӣ (тахассусӣ, ғайритахассусӣ) баргузор гардид.

  Тибқи иттилои раиси Комиссияи озмун Хоркашов И.С. аз 186 нафар иштирокчиёни Озмун, дар асоси хулосаи Комиссия 80 нафар ғолибони озмун дониста шуданд. Тасмими мазкур дар бораи эълон доштани 80 нафар ғолибон дар мувофиқа бо ректори Донишгоҳ профессор Асрорзода У.С. сурат гирифт.

   Қобили зикр аст, ки дар ин озмун донишҷӯёни МТҒ “Донишкадаи тиббӣ-иҷтимоии Тоҷикистон” аз аз рӯйи фанҳои математика (ғайритахассусӣ), технологияҳои иттилоотӣ (ғайритахассусӣ) ва географияи иқтисодӣ (ғайритахассусӣ) фаъолона иштирок намуданд.

   Боиси ифтихор аст, ки дар ин озмун донишҷӯӣ курси 1-уми факултети “Стоматология” – и МТҒ “Донишкадаи тиббӣ-иҷтимоии Тоҷикистон” Садикова Азиза аз рӯйи фанни географияи иқтисодӣ (ғайритахассусӣ) ҷойи ⅠⅠⅠ-юмро ишғол намуд.